اهداء ونداء(للامير متعب بن عبدالله )

هذه قصيدة للشاعر رشيد الفريدي


بصاحب السمو الملكي الامير/ متعب بن عبدالله بن عبدالعزيز
نائب رئيس الحرس الوطني المساعد للشؤون العسكرية .... الموقر
مازالت عبارة تلك العبارة المؤثرة والحانية (انتم في قلوبنا ) والتي شرفنا بها سموكم
في حفل تكريم المعلم بالحرس الوطني وسام على صدورنا.. ولنا الشرف بالبقاء في
هذا الصرح الشامخ حتى بعد النضمام الى وزارة التربية والتعليم

سلام يانجم مـع الوقـت ماغـاب = لاغابت نجوم السماء يقتـدى بـه
ياأمير ..ياوجه السعد زاك الأنساب= يامن عشق معنى السمو ..وسما به
يامتعب الأمجاد..حـلال الأنشـاب=راس حوى طيب وشموخ ومهابـه
يافزعة اللّي مابقى حوله اصحـاب=سـرى وحيـد بليـل ماينسرابـه
صبح جلاوي..دون تبرير وأسباب=وأسقوه من كاس الأسـى والكابـه
حدّه زمانه وانتحى لـدار الأجنـاب=واخذ خصيمه مابقى مـن زهابـه
صدق المشاعر مالها عنك مجنـاب=تنصاك لاضاقـت علينـا الرحابـه
تبقى سندنا.. والرجاء فيك ماخـاب=لاضيّقت صـدر السـؤال الاجابـه
ياطويق.. صدرك ماقفل دوننا الباب=وأبوك دون الشعب ماصـكّ بابـه
عطفه شمل حتى الأجانب والأغراب=وان جاء المواطن فزّ له واحتفا به
ياأمير حنا بالحرس كلنـا أحبـاب=الشـك زايـل والمزايـا تشـابـه
نلقى وفاء وطيب..ومعزّه ..وترحاب=عشنا مثـل ماقيـل ربـع وقرابـه
يقوله اللي بالحرس عارضه شـاب=بالعلـم والتعليـم قضّـى شبابـه
ياما بذل مجهود من شـان طـلاب=وافنى حياتـه بالسهـر والكتابـه
خرّج مغاويـر يقـودون الأسـراب=وجنـود بالميـدان مثـل الذيابـه
صرح الحرس حنا له اوتاد واطناب=في خدمته نفخـر ونعشـق ترابـه
صرح شعاره يعتلي..كـل مرقـاب=يلوح مثل البرق جـوف السحابـه
في ظل ابو متعب عمى كل مرتـاب=اللي دعم صرح الحرس واعتنابـه
سيف يفك ارقاب.. ويشيل الارقـاب=وان كبرت القالات يحسب حسابـه
اسم جمع جزل المعانـي والالقـاب=مايحصى افعالـه قصيـد وخطابـه
له في قلوب الشعب تقدير واعجاب=ولاخاب منهو بالظـروف انتخابـه