31-05-08, 11:08 PM
|
المشاركة رقم: 1 |
| المعلومات | | الكاتب: | | | اللقب: | ::عضو نشط::
| | الرتبة: | | | البيانات | | التسجيل: | Apr 2008 | | العضوية: | 1051 | | المواضيع: | 8 | | الردود: | 76 | | جميع المشاركات: | 84 [+] | | بمعدل : | 0.01 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس فضاء الشعر  قالـوا نشوفـه عنـد هـذا وهـذاه - قلت آه عمره ماعقب حجـر بيتـه
من روائع الشعر
الـــشـاعــر الــوجــدانــي
عبدالله بن حمود بن سبيل
يالله ياللي تسجـد النـاس لرضـاه=ياوامـر خلقـه علـى حـج بيتـه
تفرج لمن سده على الناس ما ابداه=راضي على مقسومك اللي عطيتـه
من شن يسل الحال والجسم يبـراه=والنـاس مايشفونـه إن ماشفيـتـه
قلت آه واجرحـاه مـن خلتـي آه=وإن حملونـي حمـل غـي قويتـه
قالوا سفا بالحال ويش اللي أغـواه=قلت آه ويش المنكر اللي وطيتـه؟
قالوا جهلت وبـان علمـك لمنهـاه=قلت آه علمـي يامـلا مـا كميتـه
قالوا طلبنـا لـك مـن الله معافـاه=قلـت آه وحدتـه وعفـوه رجيتـه
قالوا هله وأحباب عينـه نصحنـاه=قلـت آه هـذا واردٍ مـا بغيـتـه
قالوا ندور لك من البيـض حليـاه=قلت آه لـو غيـره بكفـي رميتـه
قالوا نشاش العـود مالـك بلامـاه=قلت آه عود المـوز بإيـدي لويتـه
قالوا تـزوج كـود تدلـه وتنسـاه=قلت آه لو خذت أربع مـا نسيتـه
قالوا من أقصى الناس وين أنت وياه=قلت آه ما أنسى يوم جاني وجيتـه
قالـوا نشوفـه عنـد هـذا وهـذاه=قلت آه عمره ماعقب حجـر بيتـه
قالـوا عليـلٍ ناقلـن داه بــرداه=قلت آه بأقرابـي وروحـي فديتـه
قالـوا نشيـر ولا نفـع ماحكينـاه=قلـت آه هـراج النمايـم عصيتـه
قالوا كثـر شيبـك وقلبـك بعميـاه=قلت آه لـو قلبـي غريـر نهيتـه
مطـاوعٍ قلبـي بعجفـاه وإقــداه=وإلى عطى منهـاج دربٍ عطيتـه
يانـاس خلـوا كـل وادٍ ومجـراه=قلتـوا كثيـر وقولـكـم مالقيـتـه
الـــشـاعـر عبدالله بن حمود بن سبيل
اتمنى انتال على اعجابكم
|
| |
العرض العادي
