والله اني كل مارحت يمك يالصغير

والله اني كل مارحت يمك يالصغير=إعترضلي دونك اللي عسى الله يقطعه
ماعنده حنان والله ولا عنده ضمير=كل ماجيت إمتعنى دخلت إبمعمعه
حاجتي عنده وأنا أدراه والخاطر كسير=ومن كثر بغضى كلامي تقل مايسمعه
ودى اسمع منك كلمه واشوفك بالنظير=لحظة وحده وفيها تطيح الاقنعه
كانك اللى كنت أحبه وهو توه غرير=والله اني لقنعه يعني اصبر واقنعه
وان طلبني مال يبشر من المال الوفير=طلبته مليون وإلا إثنين يبشر بربعه
بس اشوفك قدم عيني ترى حبك كبير=واتهنى في قبالك وغيرك نقلعه
وادرى ان الكون والناس والدنيا بخير=وفي بحر هواك اسافر وأفل الاشرعه
انت عندى غير يازين والخفرات غير=انت فوق البيض عندى جميع مجمعه
وكان غيرت اتجاهك وبدلت المسير=ماعليَه منك ضيقه لا والله فى سعه
أقنع الخفاق الأقشر وبالله استجير=ومن تيمم وجه ربي يبا الله يرفعه

صح لسانك غازي ابو زوايد

جزله ورائعه

ابو فيصل

صح لسانك وإعتلا شأنك

تسجل لنا أروع تعابير الغزل العفيف في قصيدة جزله

تحاكي الأروح وبها من العذوبه الشيء الكثير

نشكرك عليها ودمت متألقاً في مجالس ربعك

وعلى الخير والمحبه دائماً

ابو فيصل صح السانك

رائعه رائعه رائعه

.
.وان طلبني مال يبشر من المال الوفير ـ ـ طلبته مليون ولا اثنين يبشر بربعه
.
.
.·~¤§ أبــــوفيصــــــــل §¤~·
.
.
صـــح لســــانك
.
.
قصـــيدة فــي غــاية الــروعة والجمــــال
.
.
.
~*¤§ دمـــت بصــحه وســلامه §¤*~

صح لسانك أبوفيصل

قصيدة جميلة من شاعر تميز بالجزل

ابو فيصل
كعادتك تأبى الا ان تحرك القلوب وتلونها بالاخضر !!!
لكن لماذا تحديد العمر بالصغير ؟؟؟هههههههههههههههههههه
من يدري يمكن تسويها خصوصاً العطله قرّبت !!!!!!!!!!!!!!!!!!!!!!!!!!
اشكرك على هذه القصيده الجميله الرقيقه
لاهنت لاهنت

أبناء عمى وأحبتي
ذيبان
مقبل بن نمران
على الجضعان
عبد العزيز العبلان
ناصر بن راكب
وأخي الكبير أبو عبد العزيز خلف الفريد
لكم منى جزيل الشكر والأمتنان على مروركم الذى هو وسام على صدرى



شكرا لكم تحياتي لكم
وتحياتي للجميع

صح لسانك وقصيده جزله من رجالن جزل

أخى بن ردمان
مرورك شرف لى
وأنتم أهل الجزل من القول والفعل
على المحبه نلتقى لك تحياتي
تحياتــــــــــــــــــــ ــــــــــــــــــــى للجميــــــــــــــــــــ ــــــــع