كذا .. كذا .. كذا .. كذا ..

قصيدة
للشيخ بإخلاقه وطيبه وكرمه وشهامته الشاعر / سلطان بن بتلاء

على طريقة :[ يانقـول ابـداع والا مانقـول] = جيتك بشعر ٍ يفتـن الحرّيـف قبـل المبتـدي
شاعر وعندي فلسفه تصعب على بعض العقول=الشعر كنه عبد لافكـاري وخاتـم فـي يـدي
يلقى الفضولي في بحر شعري دواعي للفضول=والحاقد يـدوّر ويتعـب مالقـى صيـد ٍ ردي
همّي من اول ماكتبت الشعر ماهو بالوصـول=ابغى الوصول المستحقّ المستمـرّ السرمـدي
مااحب اصير الموضه اللي تظهر ايام وتـزول=احب اصير الشاعر اللي ذكـر قيفانـه مـدي
مالت على اللي مالـشعره لامسار ولاميـول=من وين ماطبّـل لـه الطبّـال تلقـاه يعـدي
انا بدوي ٍ ماني بمن قوم (باك) وقـوم (لـول)=ولانيب من يستشهد (بتذكار) و (منين ابتـدي)
اورّد الهرجه من علـوم النشامـا والزحـول=وان جيت ابستشهد من اذكار الصحابه مشهدي
والله لو ان المسأله على الاسامـي والفعـول=تلقى مكاني بالشعـر بيـن الثرّيـا والجـدي
لكنها تبغى فكر راقـي علـى شويّـة قبـول=والا تـراك بمعمعـة نظّامـة القـاف تغـدي
اقنص بنات افكار شعري قنصة الريم الجفـول=بنات فكر ٍ ِبكـر اطوّعهـا برايـي واجهـدي
متعوّد اقبل بالحلول ولااقبل انصـاف الحلـول=افكاري اخذها ِبكر توخذ مـن النـاس ابعـدي
شعري مميز فيك ياام الحسن والطرف الخجول=وان كان مالك معرفه بالشعر روحي وانشـدي
قولي لهم (سلطان بن بتلاء) سمعت انه يقول :=كذا كذا كذا كذا .. هـاك القصايـد واسـردي
اما يقولون ان ذا شاعر مـن كبـار الفحـول=والا بذكّي شعري المغمور واذبـح لـه فـدي
اخسر قصيد اخسر عمر عادي ولكن الحصـول=على قليل من الغلا في خافقك هـو مقصـدي

كفو كفو ونعم والله بسلطان بن بتلاء

وصح السانه



الله يعطيك العافيه ابن منيديل ولاهنت

بصراحه قصيده تستحق الوقوف امامها طويلا هذه من السهل الممتنع

تكون سهلة الفهم صعبة النظم

صح لسان الشاعر وشكر الله سعي الناقل

ترفع لإعجابي بهذه القصيدة

ويستمر الرفع

كيف لا والقصيدة لشاعر مبدع وراقي الشيخ ابن بتلاء


وهي من اختيار المبدع دائما ابن منيديل


لك صااااااااااااادق الود

صح لسان القائل وسلمت يد الناقل


مشكور ابن منيديل

اخواني الذين اتحفوني بالمرور الجميل والعذب

والاطراء الذي لااستحقة لان هذا هو واجبي

اقول لكم

شكرآ لهذه الطلة الرائعه لاعدمتها