من قصائد الشاعر:مهل بن معجب أبو زوايد الفريدي

23-09-07, 05:28 PM

(( الجمس ))


	أرفع له الكبوت تبرد قـزوزه =خله ينسى ما جرى له ويرتاح حتى أليا رزناه خطه يروزه =نبيه من خشم العلم يمسي الاسياح كملت له من كل شي يعوزه =أبنهمه مع وقت فجاج الاصباح أبيه يعجبني مع الدو نوزه =اليا أنحذف الصبح والشوف منباح مثل الشيهان اليا اتبع راس بوزه =سمع الصياح وشاف بالعين ملواح سلمت أيديّ وسلم الله بنوزه =اللي ليا شحته مع الدرب ينشاح حَمَر شعاعي زاهياته رموزه =لاطق شاكوش ٍ ولاشد مفتاح ينصى ديار ٍ بالرجال معزوزه =للبن حماس ٍ وللكوم ذباح الطيب والدين الحنيفي كنوزه =بولاية اللي وحدوها بالأرماح سعودية ٍ للملتجي به مجوزه =مزار للحجاج مازار سواح

الشاعر: مهل بن معجب أبو زوايد الفريدي

23-09-07, 05:50 PM

السلام عليكم ورحمة الله وبركاته

أبو عادل مساااء الخير وصح الساااان شااعرنا أبو خلف على هالقصيده الأكثر من رااائعه و الجميله

والشاعر : مهل بن معجب أبو زوايد الفريدي . رجل من رجاالات الفرده المعرووفين وله مكانته بين ربعه ..

طبعاً بعد أذن أبو عادل كما هو معروف الشاعر تمت معه مقابله مع جريدة الرياض يوم الخميس الماضي

وهذه رابــــــــــط المقابله <<<< http://www.alriyadh.com/2007/09/20/article280954.html >>>>

ألف شكر أبو عاادل وتسلم على المووضوع ..

تقبل مرووري ..

23-09-07, 11:57 PM

ابو عادل

لك الشكر الجزيل على نقلك لهذه الرائعه من روائع ابو خلف وهو غني عن التعريف

صح لسانه وسلمت يداك على النقل والاختيار

وبالنسبه لما اشار اليه اخي ابو ياسر عن المقابله فأظنه لم يلاحظ انك وضعتها في مجلس فضاء الشعر

لاهنت لاهنت

24-09-07, 12:40 AM

أخي أبو ياسر الفريدي الله يسعد أيامك ولياليك وصح بدنك بانيابه عنه وشكراً على جهودك المميزه.

أخي خلف الفريد بيض الله وجهك وشكراً على جهودك المميزه والملموسه في المجلس.

ولكم أحــــترامــي وتـقـــديري

24-09-07, 11:00 AM

أبو عادل

سلمت يمينك وصح الله لسان الشاعر العلم / مهل أبو زوايد

رجل وشاعر تفخر به القبيلة

أشكرك على إتحافنا به من فترة إلى أخرى

وعلى الخير والمحبة دام نبضك الراقي