شراااااااائح مجتـــــــمع !!

بسم الله الرحمن الرحيم

0
0
0
0
0
السلام عليكم ورحمة الله وبركاته...
0
0
0
0
0

مجتمعنا في بلادي مختلف غايه (أُو) وسيلـه =كل شريحه عن شريحه غير عن كل الشرايـح
منهم اللي منزله دايـم علـى روس الطويلـه =ومنهم اللي عندهـا أو دونهـا قايـم وطايـح
ومنهم اللي كلمته من زينهـا تسـوى قبيلـه =ومنهم اللي بالمجالس لا هرج هرجـه فضايـح
ومنهم اللي لا عمل معروف ما عـدّه جميلـه =ومنهم اللي يعمل المعـروف ويـدوّر مدايـح
ومنهم اللي سيرته للنـاس تكساهـا الرذيلـه =ومنهم اللي سيرته عنبر وعطر ومسـك فايـح
ومنهم اللي لا عشق عشقه يجي في بنت أصيله =ومنهم اللي عشقهـم لبنـان زايرهـا وسايـح
ومنهم اللي لا لفـى صـارت ليالينـا ثقيلـه =ومنهم اللي لا لفى بالحـال نذبـح لـه ذبايـح
ومنهم اللي له طموح ٍ عند غيـره مستحيلـه =ومنهم اللي في طموحه نشر الأخبـار البجايـح
ومنهم اللي بالمساجد ساجـد يناجـي خليلـه =ومنهم اللي بالشوارع تارك ٍ فرضـه ورايـح