رد الثاء لخو نوره

بسم الله

ستة عشر بيتاً من ذهب والماس وجهها الوجيه معلا العنيزان(ابو بندر) الى ستة عشر شخصاً من اخوته
واخواته اعضاء المنتدى الذين هنأوه ببلوغ مشاركاته وجهوده المميزه الرقم (2000)
ولأن الوفاء يقابله الوفاء
لذا ندبت نفسي نيابة عنهم وعن احبتي اهل المجالس عموماً وقلت هذه الكلمات المتواضعه:
(((اخوان نوره)))

	بديت بذكر معبودي=عظيم المنّ والجودي وعن النقصان والزودي=الهي يغفر السيّه والا يالله يالخلاق=تسدّد قول ابن عتاق وفي ٍ للوفا مشتاق=ولا له غيرها نيه اشدّ القاف واسمّي=نيابه عن بني عمي اضم الطيّبه ضمي= ولا لي بالهفاويه يابو بندر غمرت قلوب=بفيض الحب يالمحبوب ومن طيبك لبسنا ثوبْ=عليه الوان سحريه وحروفك كلهن جزلات=معانيهن بعد حلوات لو اقراهن عشر مرات=ماتطفي لهفة ٍ فيه يابو بندر كبير احساس=صهرت الحب يابن الناس قوالب من ذهب والماس=على الاحباب مهديه وجودك بيننا مكسبْ=وجهدك واضح يحسب الا ياطيّب المنسب= تستاهل (راع الالفيه) نبيك تواصل ابداعك=يازورقْ وافرد اشراعك نسيم ٍ هب ذعذاعك=عيّشنا احلام ورديه بنات العود وعياله=ركون المنتدى وجاله يقولون انت موّاله=على طرق الهجينيه يردون الثنا مدبول=على من بالوفا مجبول ونشكر لك جميل القول= من الاعماق مثنيه هلا مليون اخو نوره=ياعزوة عز مشهوره هلا بالصوت والصوره=هلا بامجاد عمْرويه هلا بالعزوه الصّلفه=على غيرك بها كلْفه تليق براعي الشلْفه=هلا بالعزوه الحيه هلا يانسل الابطالي=عريب الجد والخالي حرار الماكر العالي=هل العلط اليمانيه ليوث ٍ من عيال العود=لهم وقت الملاقا شهود وذكر ٍ بالثنا محمود=يوم ان الوقت في غيّه وعلي يحتّم انصافي=ابا امدح منجم ٍ صافي عيال العود الاشرافي=هل الردّات بالهيه وسلام الله على ربعي=على من طبعهم طبعي وردنا طيّب النبعي= وصدّرنا هناويه

اخوك المحب/ خلف بن محمد بن عتاق

خلف بن محمد الفريد

صح لسانك
على هذه القصيدة وأبو بندر يستاهل

وفيت وكفيت يا الذيب


وكعادتك ماشا الله عليك دايم سباق للجزلات


لك مني اجمل تحية اخوك صالح القسومي

شاعرنا والاخ الكبير لهذا القسم خلف الفريد +
كلما قلنا هذه القصيده الاجمل اتانا ماهو اجمل ان هذه القصيدة من قصايد المدح والثناء .
وقد اجتها في معانيها وختيار بحرها وقافيتها الشيقه
ولا املك الا اني اشكرك عليها.
ويستاهل ابو بندر خاصة وعيال راشد عامة هذه القصيدة ( الجامعة)

هلا مليون اخـو نـوره
ياعزوة عـز مشهـوره
هلا بالصوت والصـوره
هـلا بامجـاد عمْرويـه

صح لسانك ابو عبدالعزيز

ويستاهل اخو نورة

ابو عبد العزيز سلام قصيده أكثر من رائعه حلاقت فينا كعادتك وبصراحه اكتشفت فيك حاجه


انك تلعب على جميع بحور الشعر مااشاالله عليك شاعرمتمكن سريع البديهه


رقيق المشاعر وشاعرعذب سجل أعجابي لهذه القصيده ولكن ودي أسئل سؤال


لجميع أهل المنتدى
<ايش بحر هذه القصيده>




وعلى فكره انا خارج الموضوع وانت تعرف السبب

	والا يالله يالخلاق=تسدّد قول ابن عتاق وفي ٍ للوفا مشتاق=ولا له غيرها نيه اشدّ القاف واسمّي=نيابه عن بني عمي اضم الطيّبه ضمي= ولا لي بالهفاويه

---

خلف الفريد
كفيت و وفيت ... ونعم النائب انت.. وسدد الله قولك .
ولقيت القاف جاء قسره..
وبصم للفريد بالعشرة..
يقول ارفعني بكسره..
فأنت الشعر سلطانه..
______________ وانا كذلك ابصم لك بالعشره .. ويستاهل اخو نوره ماعليه زود .
______________ تقبل مروري .. ودمت سالما .

فارس الحرف

اشـدّ القـاف واسمّـي
نيابه عـن بنـي عمـي
اضـم الطيّبـه ضـمـي
ولا لــي بالهفـاويـه


اي والله نيابة عنا ويشرفنا ياعظم الفردة

عسانا مانعدمك وابوبندر ماقصر وعلمه طيب

ابو عبدالعزيز وش هالابيات ماشاء الله شاااااااااعر متألق وكلماتي هذه لن توفيك حقك لكن اقول :

مابك حيله

بيض الله وجهك يبو عيدالعزيز

لك وافر المحبة والشكر والتقدير

ولايقدم من قوم الاخيارهم

قلت فاجدت واحسنت احسن الله اليك


نعم رد الوفاء من شيم الرجال الطيبين

وانت ماقصرت يالفريد قمت بدور الجميع


واصالة عن نفسي ونيابة عن الجميع

اقدم لك زكى ايات الشكر والعرفان

ابو عبد العزيز

حروف الشكر تنحني تحية واحترام واجلال

لهذه الشاعرية والمقدره المتقدمه في شق عباب بحور الشعر على اختلافها .

افرطت في المدح واغدقت بالكرم واسبلت في المشاعر

الشكر لا يفيك حقك ومن اراد مجاراتك بالطيب يتعب يابوعبدالعزيز مالحقك.


ولي عوده يالعود

اخوك الصغير

ابوبندر

بسم الله

اخي الكريم صالح القسومي

اولا: اتأسف للجميع على تأخر الرد وذلك لغيابي

ثانيا: مشكور من الاعماق ابو هلال على هذا المرور الجميل والمعبر عن مشاعر اخ لاخيه

واقول لاهنت فانت الشاعر المتذوق وما قلت الا الواجب علي ونيابة عن ربعي

لكم حبي جميعا