قصيدة الشاعر الكبير محمد بن شعيبان الفريدي في حفل الشيخ عبدالله الجليدي

قصيدة بالشيخ.
ثواب عبدالله الجليدي الحربي
رئس مركزالنمرية بمناسبة الحفل السنوي للجلادية


جيتك مسير ياثواب الجليدي
قدروفاء بدون موعد وعزام

انا و ابوناصر رفيقي عضيدي
معتق بنيه والله وعشرة انعام

جينا معزه جعل عمرك مديدي
لولا المعزه ماتعنن الاقدام

هذا يابو نايف هدفنا الوحيدي
والله ماغير الوفاء يابن الاكرام

اتعب قدم رجلي كذالك قصيدي
للحربي اللي مثل شرواك مقدام

طاريك يجذبني وعلمك مجيدي
وسبق حلفت اني لزروك قبل عام

وبالمحفل اللي كل عامٍ جديدي
لحرب واللي غيرهم دايم يقام

في كل مبداء عام علمٍ وكيدي
عاده بداها ابوك ثم صارت اللزام

يلزمك عرفك لن رايك سديدي
ولكل علمٍ يرفع الراس جزام

يامقدم الوافين خطلان الايدي
اخوان من طاوع تعاليم الاسلام

واهل المقام اللي يغيض الضديدي
اكرام في كل المواجيب وحشام

انتم وحنا بالنهار الشديدي
مكملين لبعضنا درع وحزام

حضرت اشاركم بغالي نشيدي
مثايل تهدى على الخاص والعام

وانا اعتبر كل النشاما رصيدي
اهل النوايا البيض في كل الايام

واقبل تحية كل شهمٍ فريدي
اهل الكرم والدين وكعام الاخصام



محمد حمد بن شعيبان الحربي
السبت ١٤٣٨/١/٧هـ