قصيدة الشاعر خلف الفريد بزواج مشعل صالح المطيع

مشاركة الشاعر حلف الفريد بزواج مشعل صالح المطيع
4-10- 1436
في قصر التوفيق

ليا دعاني غاليٍ من ربوعي =تحركت براس خمس الحواسي
والمضغه الي بين حدب الضلوعي=تكمل مع الخمسه غراماً سداسي
مايسهج الدعوه كريم الطبوعي=ولايترك الواجب كبير الحماسي
ولايطفي الاشواق ويرد جوعي =إلاوجودي بين ربعي وناسي
لو تكثر الاشغال تمشي بطوعي=لونها ثقل الجبال الرواسي
والعيون من حقه كبيراً ونوعي=وقدره بصدري ماعليه التباسي
ارتب الابيات مثل الشموعي=ونظم حروف الشعر في عقد ماسي
المعرب به ماتخيب الرموعي=وعلى مبادي الطيب ثابت وراسي
وعن الردى دايم ،بعيد النجوعي=وإلا الوفاء طبع المشعل اساسي
ونا جاء مجال الصعب ياهو جزوعي =يرقى سناد ويحتمل كل قاسي
ونا جاء مجال البذل ماهو منوعي=يوم الردي يشمٓر عليه الباسي
ولاكبرت القالات ماهو هلوعي =له فزعتٍ تاتي بوقتٍ قياسي
لو هو صغير السن ملء السموعي=وليا عرفته قلت كامل وكاسي
لاطاب الاصل يثمرن الفروعي =والبيت مايبنى بليا مراسي
من روس ربعاً بالمواقف دروعي =العود ورثهم فعول وجناسي
والليله الليله رواي وقدوعي =شوف الوجيهه الي كثير الكراسي
أنا حضوري بين خير الجموعي=حب وغلاء العيون تيجان راسي
عيد وفرح مشعل جمعهن اسبوعي =في قاعة التوفيق واحلى الأماسي
الله يديم الامن باغلى الربوعي=بظل المليك الي على الشر داسي
ومبروك ياحرٍ مساره طلوعي=شوفه وهداته تزيح العماسي
والعذر مهما قلت ماني قنوعي=لكن اعبر عن دواخل احساسي
وعداد من صلى صلاة الركوعي =صلوا على المبعوث خير الاناسي



الشاعر الكبير /خلف الفريد