خلف الفريد في الدكتورالمقدم منصور الوسوس

قصيده الشاعر خلف الفريد في الدكتورالمقدم منصور الوسوس

بسم الذي نزل الانفال مع هود=رب خلقنا لطاعته والعباده
هو خير ما ابدابه وهو خير معبود=وهو العظيم بعزته ونفراده
ويالله تجملني عن النقص والزود=واليا جتهدت انت العليم بمراده
المرجله ماهي وراثة المولود=المرجله همه وعزم وجلاده
وعزم الرجال الصامله مالها حدود=والسيف فعله سلته من غماده
واللي يبي الطولات يضرب على الكود=ولاياصل العليا ضعيف الاراده
وكم نادراً دايم على الطيب مسنود=ولايختلط عنده بياض وسواده
اليا نصاه العلم يرسي كما الطود=يوماً خطو اللاش يعلن حياده
وهذي صفاتٍ كلها عند بالود=منصور ابو يارا له الطيب عاده
يقودها منصور بارسانها قود=تشرب على عده وتسكن فواده
ولاصار لك حاجه ومنصور موجود=لاوصلت كحيلان حط الوساده
يجود من نفسه ومن ماله يجود=ولاله رصيد إلا الثناء والشهاده
ولاحك عود بعود مايكسر العود=يحلها بالراي .. عرف وركاده
والبيت للضيفان هو مدهل الجود=وللجار والحيان مثل ( العياده )
حرن عيونه فوق تسبح مع النود=ماهي بجنبه مثل عين الجراده
يوم الامل بكمام الابطال معقود=كافح بصبره لين نال الشهاده
دكتور ماجت له بتزوير ونقود=ماجابها إلا بهمته وجتهاده
مبروك ياخالً به الظهر مشدود=وذكره يشرفني وأحس بسعاده
ومدحٍ بلا برهان وش فيه من فود=ومنصور منصب واعتبار وقياده
اقولها وانتم على قولي شهود=وبينتها من دون نقص وزياده
وصلاة ربي عد مشاهد ومشهود =على رسول الخلق واكرم عباده

خلف بن محمد بن عتاق