شريف بن راكب - و رشيد الفريدي

ترى عدوك من يقول الخطأصح=وليا عرف درب السنع عنه صدك
يقولك لو طحت ماقلت لك طح=عادي يصفق لك وهو مايودك
وليا لقاك بخير لوماهرج فح=وده يسكر باب الارزاق ضدك
خذ حذرك الكافي لياقالك رح=يدفعك بالغبه بدل مايشدك
والصاحب الطيب لأجل عشرته ضح =حتى ولو ماله علاقه بجدك
ليا طلبته حاجتن عنك ماشح=وليا بدى لازمك ياقف بحدك
عليه لو شلت الحجر مايقول اح=خلك معه يامرك والا يردك
الشاعر ( شريف بن راكب :أبو هايف

------------

إقرار وتقدير...
قصيدة الشاعر رشيد محمد الفريدي

لاتلومني يوم اني بشعرك افرح=اطرب لشعرك والمدح مايسدك
ولاتلومني يوم اني أعيد والح=بحر القوافي بالجواهر يمدك
والله مادري يابو هايف وش اشرح=مهما مدحت المدح ماهو بقدك
واللي ليشافك ماغير.. ( يتلحلح)=من الحسد وده بخنجر يقدك
لأنه( قزم)لاغبت قام يتبجح=رغم أن( ابوحواس) ماهو بندك
خلك على ماقيل بعير اوضح=واحذر صديق إعداك يدري بسدك
القافلة تمشي لو الكلب ينبح=واللي بدأ بصد جازة بصدك
الشاعر وإلاعلامي / رشيد الفريدي - ابوعبدإلاله

ابداع وامتاع من شاعرين عودونا على الجزاله

سلمت ودمت ابو صالح على الايراد لاهنت