مرثية في فقيد القبيلة زيد ابن حماد رحمه الله

اسعد الله اوقاتكم بكل خير


ليه ثلاث ايام والفكر محتار=شي(ن ) ابالي كل ما اقفا يعيده
خطو الحدث يخلف توازنك بيثار=ماتوفي ابعاده مجرد قصيده
يحرك الهاجوس ويشد الافكار=رغم(ن) على الشاعر يحضر رصيده
وشلون لامن صار من روس الاخيار=مقرون(ن) اسمه بالصفات الحميده
نور الحجاز اللي يخفت بالانوار=تشوف ضوحه كل سمو البديده
وسط المدينة ثابتن مثل سنجار=عنوان بيته كاتبه في نشيده
من دون ربعه ماتغطى بالاعذار=كم من سجين(ن) فك سجنه وقيده
شهدن على الاقراب والضيف والجار=سم(ن) مركز للخصوم العنيده
زيد المسمى جاره الله من النار=شيخ(ن) على كل القبيله فقيده
لكن عزانا حر في وكره احرار=لااقفى وليده جا بداله وليده
علي محيميد الفريدي

صح لسانك على المرثيه الوافيه

الله يرحم ابو محمد ويسكنه فسيح جناته ووالدينا واموات المسلمين
من اتباع سنة المصطفى عليه افضل الصلاة والتسليم
شكراً على الاضافه لاهنت

صح السانك شكراُ لك على الاضافه هنا
ورحم الله الشيــــــــخ زيــد الحماد

صح بدنك اخوي ابو حمد
الله لا يهينك

صح بدنك اخوي ابوصالح
واشكرك على التنسيق الله لايخلي منك

صح السانك شكراُ لك
ورحم الله الشيــــــــخ زيــد الحماد

صح الله بدنك اخي الوجيه

رحم الله الشيخ زيد واسكنه فسيح جناته وجميع

اموات المسلمين