اسواء خبر

ايها الاخوه فجعت قبيلة الفرده هذا اليوم بوفاة
الشيخ / زيد بن محمد بن حماد وهذه خلجات احببت
إطلاعكم عليها وادري إنني مقصر مهما قلت رحمه الله
رحمةٌ واسعه وغفر له واسكنه فسيح جناته
القصيده

اسواء خبر جاني بيوم الربوعي=يوم اربعه تسعه بخمس وثلاثين
وفاة زيد اللي يقود الجموعي=زيد المحمد راعي الطيب والدين
شيخٍ ولد شيخٍ صميدع بتوعي=ماهو من اللي شيخته بالملايين
من ماكرٍ مادق فيها التبوعي=ندّر حرارٍ وبالمواقف سلاطين
ياكثر وقفاته ولاهو جزوعي=على النقاء دايم لربعه على الزين
مما سمعته بس اصك السموعي=وعجزت لا ادرك وش تقول المعزين
في موتته على القبيله افجوعي=الله يبيحه عد خلقٍ ملبين
ويعوضنا بفقده بشبلٍ قطوعي=ذخر القبيله يوفي الصاع صاعين
نجله محمد للمواقف ينوعي=وله بالمواقف قبل هذا براهين
معرب الجدين درع الدروعي=صفات زيد احتلها بالموازين
عسى البقى برأسه كثير النفوعي=ولعل زيد بجنةالخلدآمين

وسلامتكم

صح لسانك ابو فيصل
الله يرحم الشيخ زيد بن محمد ابن حماد
ويسكنه فسيح جناته اللهم جازه بالحسنات احسانا وبالسيئات عفواً وغفرانا
اللهم احسن عزائنا به واخلف لنا خيراً يارب العالمين
سلمت ودمت ابا فيصل لاهنت

صح لسانك يابو فيصل
أبيات جزله تعبر عن صدق الوفاء لهل الوفاء

وغفر الله للشيخ زيد ابن حماد

واسكنه فسيح جناته

وانا لله وانا اليه راجعون

نــجــلــه مــحــمــد لـلـمــواقــف يــنــوعـــي

ولـــه بـالـمـواقـف قــبــل هــــذا بـراهـيــن

صح الله السانك ابو فيصل ويستاهل الشيخ زيد هذا الشعر من الرثاء
صح الله بدنك ورحم الله زيد الحماد