في محفل اللي للمطاليق مضياف

قصيدة الشاعر القدير سعد بن عبدالله بن ناشر الفريدي
في تكريم فايز مهلي الفريدي بعد تخرجة من كلية الملك خالد ملازم

يالله منك العون واﻻستعانه. =بالموقف اللي مالنا عنه محراف.
والشعر يفرض قيمته في مكانه.=ﻻصار موجب وداعي و ميقاف
واليا اجتمع مع قو سبكه متانه=مثل الذهب مايصرفه كود صراف
وملح تلرجل حلو النبا من لسانه.=والقصد والغايات من دونها غﻻف.
ومن دافع الثنتين قدر وميانه.=لبوعلي تقدير واجﻻل وانصاف.
الشايب اللي مايسد بمكانه.=عساه يبطي حي مايذكر خﻻف
افتح عن المقفول باب الخزانه.=واسوقها ثم ساوقت لي بﻻعساف
اسوق من سحر الكﻻم وبيانه. =ترحيبن مكرر لﻻسماع طواف.
يفوح هيله مع شذا زغفرانه.=في محفل اللي للمطاليق مضياف.
فايز عسا حظه يفوز بزمانه.=بالخير والتوفيق من كل اﻻطراف.
ولد اللي هز الوطن في كيانه=عطر بدمه من ثراها وﻻ خاف..
في برج رشاشه مثبت مكانه =متسابقين الموت ومزارق اهداف.
يوم غدروه مروحين الخيانه.=شجاعته في سلم المجد تنضاف.
لﻻبه اللي ماتعرف الجبانه.=بالموقف الغصاب والفعل ينشاف.
هذا الكﻻم المعتبر في مكانه.=والعرف ما يعرض على غير عراف
كﻻم عاقل فيه ذمه وامانه.=وﻻهو ورا هرج المطافيق مزهاف
وتم الكﻻم وبالله اﻻستعانه=بالموقف اللي مالنا عنه محراف..
سعد عبدالله الفريدي

صح لسان الشاعر سعد عبدالله
قصيده جزله ويستاهل الملازم فايز التكريم
الف شكر ابو صالح على الاضافه لاهنت