وين ماوجه صلاتي على القبله

وين ماوجه صلاتي على القبله
=ما اعبد الاصنام والرب وحداني

شوفت الروض الخضر خالطه ربله
=عندي احلى من بساتين لبناني

شفت لي ناسن مع الناس منهبله=
ما عرفنا مغزا الأول من الثاني

هيه ياللي في سلامك تلبلبله
=كان ما انته غاوين فانت خسراني

قبلك اللي بالموده تحب حبله
=وباللوازم صافي الفكر شتاني

كان ماهو حزت الضيق يحسبله=
للفعل برهان والهرج مجاني

كم صديقن حزة اليسر تعجبله
=وبالشدايد ينسحب عنك ما يداني

لمسة المخباة ممنوع تقربله
=كان ودك دايم الدوم خلاني

ومن صقر له ابطير ملزوم يندبله=
وتعرف الأحرار من طير برماني

وكم من شاعر صفقوا له ولقب له
=والمثل معروف من مر الازماني

قافه دايم بين الاسماع يطربله
=واحد وعشرين الذهب غال الأثماني

والنصايح عند ناسن اتحسبله
=لا تخم افلان وتشجع افلاني

وللجميع اعداد سحبن نثر وبله
=باقتن بالورد عنبر وريحاني



ابو فايز ( الجديد )