اما امدحوك الناس لا حـل طاريـك

ايها الاخوه هذه قصيدة الشاعر ضيف الله الحصني

لا ضاق صدرك وازعجتك الدواكيـك=وقامت همومك وسط صدرك تزنـا
استغفرالله عن خطـاك ومعاصيـك=ليـن ان غيمـات القلـق ينجلنـا
وادفن وسط حدب المحاني بلاويـك=لو قيل لك فضفـض لنـا وبثهنـا
الناس ياخلٍ تلوعـه مشاكيـك=والا شمـوتٍ بـس يشتالهنـا
وانته وش الي من هدومك مجزيـك =تحمـد الله هـم غـيـرك مثـنـا
تمشي على رجليـك والله معافيـك=وغيرك على بيض السرايـر يونـا
كان الذي مزعجك شيٍ بماضيك=ما انته معـدل مايـلاتٍ مضنـا
مثل الرمـاد تحرثـه ليـن يكويـك= تنسى الهمـوم وترجـع تعيشهنـا
وان كان همك غيب مقبـل لياليـك=يمكـن توفـى قـبـل لايا صلـنـا
الله خلقـك وكافلـك مـا يخلـيـك= يرزق خشـاش الارض بجحورهنـا
عش بس يومك وانبسط مع بني خيك=ما فات مـات وباكـر يغيـب عنـا
والناس لوتركض برجلك واياديـك=كايـد رضاهـم كلـهـم لاتعـنـا
اطلب رضا الله واترك الناس يرضيك=وتمشي لـك الدنيـا علـى ماتمنـا
وعن كثرة الروحات قصر خطاويـك=والواجبـات اليـا بـدن لاتـونـا
ولسانك حصانـك تفكـه يدهويـك=ولاتسرج خيولك على حساب ظنـا
و الهرج دامك ماسمعتـه باذانيـك= لا جـاك منـا خلـه يـروح منـا
والامر شاور به رفيقٍ مصافيـك= قـدام سفـن البـحـر لايبحـرنـا
لو كان عرفك حسب ظنـك يقديـك=يمكـن يشـوف امـور ماشفتهنـا
والراي حلة لغـز مابـه تشاكيـك= لو لـه مراميـعٍ لـه يشابهنـا
ومن لايعرفك زين ينظـر مخاويـك=يـوم الطيـور تطيـر لاشباههنـا
اما امدحوك الناس لا حـل طاريـك=والا يـقــال الله لايمـتـحـنـا
جربت وانشدني عن الناس وافتيـك=وان كـان ماسدتـك رح خوضهنـا

ايها الاخوه هذه قصيدة الشاعر ضيف الله الحصني

لا ضاق صدرك وازعجتك الدواكيـك=وقامت همومك وسط صدرك تزنـا
استغفرالله عن خطـاك ومعاصيـك=ليـن ان غيمـات القلـق ينجلنـا
وادفن وسط حدب المحاني بلاويـك=لو قيل لك فضفـض لنـا وبثهنـا
الناس ياخلٍ تلوعـه مشاكيـك=والا شمـوتٍ بـس يشتالهنـا
وانته وش الي من هدومك مجزيـك =تحمـد الله هـم غـيـرك مثـنـا
تمشي على رجليـك والله معافيـك=وغيرك على بيض السرايـر يونـا
كان الذي مزعجك شيٍ بماضيك=ما انته معـدل مايـلاتٍ مضنـا
مثل الرمـاد تحرثـه ليـن يكويـك= تنسى الهمـوم وترجـع تعيشهنـا
وان كان همك غيب مقبـل لياليـك=يمكـن توفـى قـبـل لايا صلـنـا
الله خلقـك وكافلـك مـا يخلـيـك= يرزق خشـاش الارض بجحورهنـا
عش بس يومك وانبسط مع بني خيك=ما فات مـات وباكـر يغيـب عنـا
والناس لوتركض برجلك واياديـك=كايـد رضاهـم كلـهـم لاتعـنـا
اطلب رضا الله واترك الناس يرضيك=وتمشي لـك الدنيـا علـى ماتمنـا
وعن كثرة الروحات قصر خطاويـك=والواجبـات اليـا بـدن لاتـونـا
ولسانك حصانـك تفكـه يدهويـك=ولاتسرج خيولك على حساب ظنـا
و الهرج دامك ماسمعتـه باذانيـك= لا جـاك منـا خلـه يـروح منـا
والامر شاور به رفيقٍ مصافيـك= قـدام سفـن البـحـر لايبحـرنـا
لو كان عرفك حسب ظنـك يقديـك=يمكـن يشـوف امـور ماشفتهنـا
والراي حلة لغـز مابـه تشاكيـك= لو لـه مراميـعٍ لـه يشابهنـا
ومن لايعرفك زين ينظـر مخاويـك=يـوم الطيـور تطيـر لاشباههنـا
اما امدحوك الناس لا حـل طاريـك=والا يـقــال الله لايمـتـحـنـا
جربت وانشدني عن الناس وافتيـك=وان كـان ماسدتـك رح خوضهنـا