لامن حظك قام مشاك قدام

السلام عليكم ورحمة الله وبركاته
أحبتي الكرام يضل الشعر أحد دواوين الادب العربي ومن خلاله تجد الهوية الصحيحة للشاعر
وذلك من خلال تصحيح بعض المفاهيم والمشاركة في تعديل بعض السلوكيات الخاطئة
والتوجيه السليم ليحقق الهدف السامي الذي يجعل هذه الموهبه في مكانها الصحيح
وهذا مايجلب الجماهيرية للشاعر ليكون له متابعين يترقبون جديد قصائده ..
من هؤلاء شاعرنا الكبير : شريف بن راكب الذي نترككم مع تلك القصيدة
حيث يقول ....

ياسامعٍ ماقول خذ موجزٍ هام =هديتي لأهل النفوس الرفيعه
كنيتها في خاطري منتصف عام = من قلت الناقد رجيت القطيعه
وارسلتها للمنتدى من له ايام = مجمّله مثل الهنوف المذيعه
لعلها تلقى حياةٍ بالأعلام = عن موتها بين الزوايا رضيعه
مضمونها ياللي تمانيك الاحلام= لاتاخذ التسويف عندك ذريعه
واعرف ترى ما طاب بالعمر مادام=حتى لو الدنيا تجيلك مطيعه
كم نايمٍ من لذة النوم ما قام = الموت ما دونه حصونٍ منيعه
خلك مع الله كافلٍ رزق الايتام = معيشهم من دون شريه وبيعه
لامن حظك قام مشاك قدام= خلى جميع الطرق قدمك سريعه
واليا رقد حطك هدف مثل صدام=ضيّق عليك فجوج نجد الوسيعه
واليا بغى يشقيك عرّضك الاوهام=واليا وصلت طريف قال الوديعه
كم دولةٍ سوى بها ضعف الاسلام=خلى مناظرها الجميله شنيعه
جناتها راحت براكين واحطام=الله يزول جبال غير الطبيعه
اللي يحطون الطواغيت حكام = بعيد عن هدي النبي والشريعه
ولوا طبقوا حكم العداله هل الشام=ماصارت الضيعه هالايام ضيعه
والله يعز اللي تسمى بالاحرام=عسى جواده عند ربعه طليعه
وصلوا على اللي ما سجد حدر الاصنام=ما حط بالاسلام سنه وشيعه

أولاً بيض الله وجهك يابويارا


على أضافة هذه الدره النفيسه من نوادر الشاعرالكبير

شريف بن راكب الفريدي


قصيده تستاهل للأشاده ويتشرف منتدانا في تواجدها


يعطيك العافيه أخوي منصور الوسوس على الأضافه


وتقبل مني أجمل المنى والأحترام

اللي يحطون الطواغيت حكام = بعيد عن هدي النبي والشريعه

.
.
.
صح لسان الشاعر القدير

الله يـــعـــز الـــلـــي تــســمـــى بـــالاحــــرام
عــســـى جـــــواده عــنـــد ربــعـــه طـلـيــعــه

صح لسان الشاعر العلم شريف بن محمد بن راكب
قصيده تكتب بماء الذهب والشكر موصل لك اخوي
ابا يارا على النشر
تحيتي

شكرا لكم جميعا على اطلالتكم الغالية
ابوعمر ردك غير واضح ابداً للمتصفح بالجوال
دمت بخير وعافية

كــم دولــةٍ ســوى بـهــا ضـعــف الاســـلام = خـــلـــى مـنـاظــرهــا الـجـمـيــلــه شـنــيــعــه

المصدر : لامن حظك قام مشاك قدام - مجالس الفرده لامن حظك قام مشاك قدام


صح لسان الشاعر الكبير
شريف بن راكب الفريدي
نص كتب بماء الذهب كعادته ابو محمد
الف شكر ابو يارا على الايراد ومتابعة جديد ابو محمد

السلام عليكم ورحمة الله وبركاته
مشكور مشكور يامنصور
والله يعطيك الف عافيه؟

بصراحه يجب على الشعار

تقديم مالديهم اذاكان يجدون مثل مالدى شريف من صياغة الحكمة
وتوظيف الدرر ؟ عاجز عن التعبير من شدة الاعجاب

صح الله لسانك يابو هايف

وبارك الله فيك يابايارا

اخواني
ارجوكم
عدم المواخذه
كثرة انشغالي بالعمل ابعدتني عن المجلس

قصيدة جزلة من شاعر جزل
تسلم ي اخوي منصور اضافة
ذهبية يعطيك العافية

دمتم جميعا بخير وعافية
شاكر مروركم وابداع حروفكم
وصحت ابدانكم نيابة عن الشاعر العلم شريف الفريدي

صح الله السان شاعرها شريف
وتسلم يمناك ابو يارا تعودنا منك اختيار الجزلات من هاولاء الشعراء الذين لهم
مكانه شعريه كبيرة
عساك في الوجود