قصيده للشاعر:قالط سماح المقطع

أعضاء ورواد مجالس الفرده
أليكم قصيده للشاعر :قالط ابن سماح المقطع الفريدي
في حفل المخارشه العاشر بالمخرم
قصيدة تحمل جزالة المعنى وقوة القافيه ابدع في ألقائها

ونالت على استحسان الحضور ومتذوقي الشعر

وهي بعنوان((نصائح عامه)) عسى أن تنال أعجابكم

.................................................. ...............................

هات القلم وعطني معه لفة البوك=قريحتي فاضت وبحره لفاني
يقول من ينظم على قـــاف مــحبــوك=ومع حبكته يعطيك جزل المعاني
شاعر وعندي له مـــواثيق وصــكــوك=واليا نظـمت البيــت يتلاه ثانـــي
ورثـتهــــا من جــد لـه بيــت مــمــلوك=نحب الرفاعه ولانحـب الطمــانـي
تمشي على مشهاه ماحاكـها حــوك=الــله يــجـعــل مـسكنه بالجناني
ركبت أنا القيفان وجـتــني علــى أوك=وبطنتها من كل هرجآ أسـمــانـي
لأجل أنذر اللي من الجهل صار مدروك=ونــصــايح لنــاس قاصــي ودانــي
حذرا تخاوي لك مـن النـاس صــعلــوك=ضعيف وماله مع أهل الطيب شاني
مــع صــحبــته درب المــهـاليــك ودوك=وأصبحــت من تحت المخاليق داني
ودرب الـقـشــر والــشر شـفـته ووروك=وصـارت حــياتك بيــن ذل وهــوانــي
خــليـت درب الطــيب والنــاس خلوك=وأرضــيــت شيـطانك بكـل الغـوانــي
دور عـلـى اللـي له مـع العز مشروك=رجــل(ن) علـى كل الصعيبات جاني
دايــم وبــابــه للمـــسايير مــفــكــوك=وفــي ســفرته تلــقى كـبار الصيـاني
والــمــال بالمــخــبــاه مــزاول الـبــوك=رجـل(ن) كــريم وعنــده الوقت فاني
ويفــزع ليــا شـاف المعاديـن ضـــدوك=شجــيع بالــملاقات ماهــو جبــانـي
وأذهن من اللي بابه اليوم مــصـكوك=مــاينـفعـك لـو جــار فيـك الـزمــانـي
أكــوع وهـرجـه دايـم يعــلـكـه عــلـوك=ولا تــقــبــلــه نفسك من أول ثواني
وأدمح خطأ الجيران لو زاد وأشــقــوك=لاتــنــطــح الـزلـه كما السـيفـهانـي
أن طبــت لــلجيران بالـطيـب لــفــوك=وأصــبحــت تمــلك للــمعزه مـكانـي
وبعض القـرايـب لو تعــليـت ســبــوك=عـلمآ وتلــقى لــه أدلـه وبــرهــانـي
لو تلتهب نارك حـدى الربــع طفـــوك=قــصر عــن الــكايد وجـاه أطمـعاني
خلك وسيع العرف ممزوج بضــحــوك=وأرفــع مــقامك ياوســيع البـطانـي
وأصبر ولوتونس بخــف القـدم شـوك=بالــعرف تمـشي ياعريب المجاني
وأفطن ترى بالوقت سافك ومسفوك=وقتــن به القاسـي غـدابه ليـانــي
لاتغــفــل بــدنيــاك وتـصـير مـدكـوك=خــلك ذهيــن ولاتــفــك العــنانــي
جتكم نصايح واضحه مابها شــكوك=واللي يبي المرقاب يقـرأ الـبيانــي

.................................................. .......................................

الشاعر:قالط ابن سماح المقطع الفريدي