[هذه القصيدة لشاعر الكبير سعد بن هذيل الفريدي بعنوان نجدد العهد
يا خادم البيتين عز أمة الضاد =فخر العرب في هامة المجد نوماس
يا نخوة الاسلام لا قام الأضداد =حجى الوطن والشعب للدين نبراس
تسلم لشعب المملكة عز وسناد =يا تاج روس الشعب عن كل مساس
يا سيدي ياليعربي يا بن الأمجاد =يا عزوة المسلم عن الضيم والباس
نرفع تهانينا على روس الاشهاد =ونجدد البيعه وحبك على الراس
بيعة مليك وذكرها مثل الأعياد=عند السعودي خص من بدة الناس
ذكر التلاحم للبشر كنها أحفاد =خلف الزعيم بصوت وشعور واحساس
لجل المليك ووالي العهد تزداد=محبة بقلوبنا مالها اقياس
حب وولاء واخلاص من عهد الأجداد=شيمة عرب متوارثينه من الساس
الله يثيبك يا ملك خيرة بلاد =بصلاح ذات البين من كل الاجناس
عسى الحساني في موازينك تزاد =واجرا ثوابه ما يعدد ولا يقاس
طابت مساعي سيدي للوفا قاد =وألف قلوب قبل بالحقد يباس
يوم الفصايل بالتناحر والأحقاد =والقدس تغلي كنها وسط محماس
ميقافكم يا سيدي ما قف جهاد =ضم الاخوه بين مشعل وعباس
وأنها الخصام وضيق صدور حساد =اللي تشب الحرب وتطق الاجراس
وبعده تباشرنا على نهاية جماد =بانهى قضية فور من عقب لولاس
بجهودكم وإخلاصكم والولي راد =جعل لها التوفيق من كل عوكاس
تعانق السودان مع دولة تشاد =حب وتكاتف وانتهى الهم واليأس
وبشاية المعبود بالدرب بغداد =يعمها مسعاك وتعيد الأنفاس
لك كل الحب على هذه الرائعة الوطنيه التي كلها حب وولاء وصدق
كيف لا وشاعرها علم غني عن التعريف، فابو فهد بارك الله في شعره له موافق كثيره وطنيه وللقبيله
ولحرب عامه
مشكور مرة اخرى
شف بالي هرجة الناس القديمة &&& هرجة الي عارضه بالشيب لاحي
الرجال الي نبي صارت عديمة &&& كيف أجمعها شتات بالنواحي
راحوا الي كلهم شيمة وقيمة &&& وجنب المقهور عن درب الطياحي
نجدد العهد لشاعر سعد هذيل الفريدي 
العرض العادي
