غلطة زماني يوم بالعين اكبرك

يا قلب لا تحزن لمن لا يقدرك
من راح لابد الليالي تردّه

كلن على حسب المصالح يسايرك
واليا خلص موضوعه تشوف صدّه

ان كان عوّد قلّه اني محذرك
واحفظ كلامي زين واخذه بشدّه

لا تحسب ان ماضيك يشفع لحاضرك
ياصاحبي روّح زمان المودّه

غلطة زماني يوم بالعين اكبرك
وغيرك مفصل له ثيابه بقدّه

ارفع مقامك وانثني دون خاطرك
سوات ضلع طويق ما احدن يهدّه

واليوم اشوف ان الجفا من بوادرك
من يفعل المعروف هذا مردّه

لا تحسب ان ضروف وقتك تعذرك
اخذ الخبر كبر لراسك مخدّه
ما عاد لي فيكم نظر لاجل اناظرك
القلب خزّن من همومٍ تسدّه

لاني عزيز وفوق نظرة تصوّرك
طيرٍ يدسم شارب اللي يهدّه

ماني ضعيّف خوف يدرا مشاعرك
انا الذي معروف خاله وجدّه

ويا قلب خلّه دام ماهو مقدّرك
يذلف عسى رب البشر ما يردة