الاياقلب ياللي كل ماجاء الليل جاه خلاج=يلوج ويلتوي بالجاش من شي تورج له

الاياقلبي ياللي كل ماجاء الليل جاه خلاج=يلوج ويلتوي بالجاش من شي تورج له
اعاني من عنى جرح خفق بين الضلوع ولاج=عرضته للطبيب اللي مدحتوا ماتخرج له
دريت ان الهوى يرث جروح مالهن علاج=اليا زاد الغلا واللي توده قاصر رجله
يخاف من العيون الشامته واكذوبة الهراج=اليا جاء الصبح هراج القفى يكثر بنا دجله
انا بصبر عسى بالصبر لو طال الفراق افراج=على شانك وغيرك ماسهرت الليل من اجله
على شانك ومن شانك حياتي بالحياة احراج=عسى قلب شبكته بالهوى ربي يفرج له
تكايدني بخد مادرج من فوقه المكياج=طبيعي الجمال اللي على الوجنه هدب نجله
عليه اربع نجوم وزودوه من الحلى بالتاج=زعيم الحسن له حق الجمال اللي يتوج له
الايامجيب دعوة من دعاك بليلة المعراج=دعاك بجاهك التخفيف تقبل طلبة عجله
تساعدني على خل تركني للشقى مسهاج=ثمان سنين من عمري وانا مرهون في سجله
اعوم بغبة امواجه لما ساقتني الامواج=على شط الفرات ايام وايام على دجله

حمد بن عبد الرحمن المغيولي .. رحمه الله .

يعطيك العافيه ذعذاع لاهنت

مشكور ذعذاع على الاضافه
تحيتي

أخونا ذعذاع الشمال تسلم . و مشكور على كل حال . تقبل مروري

ياهلا بالجميع ..