آخر 15 مواضيع : كتاب وصفات منال العالم           »          كتاب شهيوات شميشة           »          كتاب أطباق النخبة أمل الجهيمي           »          كتاب مقبلات و مملحات-رشيدة أمهاوش           »          شيلة (صدقيني ) للشاعر/ مبارك سالم المصلح الحربي ( ابن دهيم...           »          شيلة حرب(طالب من رفيع العرش)للشاعرسالم بن علي المصلح الحربي...           »          شيلة (احبك ) للشاعر/ مبارك سالم المصلح الحربي ( ابن دهيم...           »          اجتماع عائله الدغاشمه من فرده من حرب في ملتقاهم السنوي...           »          اجتماع الملسان السنوي الثالث للعام 1438           »          تغطية / اجتماع الدبلان السنوي لعام ١٤٣٨هـ           »          لجنة التنمية الاجتماعية في خصيبة تقيم فعاليات رمضانية...           »          لجنة التنمية الأهلية في خصيّبة توافق على إقامة ملتقى...           »          الشاعر/مبارك بن سالم المصلح الحربي ( ابن دهيم )قصيدة ( حرب )           »          تغطية زواج الشاب: خالد بن عفتان بن زويد الفريدي           »          قصيدة الشاعر/ نايف بادي طليحان المخرشي ورد الشاعر/عبدالله...



العودة   مجالس الفرده > المجالس االعامة > مجالس بيت القصيد > مجلس قصة وأبيات
مجلس قصة وأبيات يعتني هذا المجلس بالقصص الشعبية القديمة مع ايراد شاهدها من الشعر

ابن ودمان وابرق الكبريت

يعتني هذا المجلس بالقصص الشعبية القديمة مع ايراد شاهدها من الشعر


إضافة رد
 
LinkBack أدوات الموضوع انواع عرض الموضوع
قديم 21-05-12, 06:28 AM   المشاركة رقم: 1
المعلومات
الكاتب:
اللقب:
::عضو فضي::
الرتبة:
الصورة الرمزية
 
الصورة الرمزية الراسي

البيانات
التسجيل: Mar 2007
العضوية: 6
الجنس: ذكر
المواضيع: 39
الردود: 153
جميع المشاركات: 192 [+]
بمعدل : 0.04 يوميا
اخر زياره : [+]
معدل التقييم:
نقاط التقييم: 50

التوقيت

الإتصالات
الحالة:
الراسي غير متصل
وسائل الإتصال:

المنتدى : مجلس قصة وأبيات
افتراضي ابن ودمان وابرق الكبريت

قبل أكثر من أربعين سنه تقريباً كان التتن (الدخان) ممنوع بيعه في السعوديه وكانوا يهربونه عبر النقاط الحدوديه على الفروت والهافات



وأشهر نقطة ذيك الأيام ( أبرق الكبريت ) على الحدود بين السعودية والكويت .... تعيـّن في ذيك النقطة عبد وكلنا عبيد لله إسمه ( سعيد بن ودمان الدوسري) وهو اللي وقف للمهربين وقدر يخفف من تهريب التتن للسعوديه حتى سمحت به الحكومه لكن الشي اللي حفظه التاريخ هو ( أدب التهريب ) جرت مساجلات شعريه كثيره وعديده بين ابن ودمان وبين المهربين ... وعلى اللي كان بينهم من رمي بالبنادق وهوايش لكن كانوا رجال يقدرون بعضهم ومثل ما قال ابن ودمان عنهم ( ونعم الله ربي وربهم ) وبأعطيكم القصايد اللي تم حفظها وجرت ذيك الأيام وكل الأسماء الموجودة حقيقية ومعروفة والقليل منهم لا زال حي مثل ابن ودمان حارس الحدود الشهير
المهم أول ما تعين ابن ودمان كتب قصيده وحطها بدرج مكتبه في مركز أبرق الكبريت لكنها تسربت ووصلت للمهربين وردوا عليه ... يقول ابن ودمان :

ياهل الهافات عنتر ناش جاكم ****** وا عنا من صادفه بأرضن خليـّه

لعنبوكم هونوا جاكم عناكم ****** جاكم الموت الحمر ماهي زريـّه

هفوة ٍ زلـّت لكم وإكلوا (......) ******* بيعوا الهافات بأقيام ٍ رديـّه

وإعلموا وإدروا ترانا في قفاكم ******** ومن يقاوي له جبل ما راح نيـّه

ياهل الهافات عابينا عباكم ******** الفروت جداد والعزبه قويـّه

ياهل الهافات خيـّبنا رجاكم ******* نحمد اللي قدرته ماهي خفيـّه

بيعوا الهافات ردوا في سراكم ******* خلـّوا السمره وطـّوال الحنيـّه

الدهر ذعذع لكم ثمن جفاكم ******* وإفهموا وإدروا ترى في الجحر حيـّه

خسرت الشركة وخيـّبنا ثناكم ******* وبعضكم بالقسط ما خلـّص وديـّه

ياهل الهافات حنا من وراكم ******* والسعد قدامنا في كل هيـّه

تحت حكم اللي عن المنكر نهاكم ******* عن طريق الدين تلقون المنيـّه

عندنا اللي يمرجن باقي شواكم ****** خمسه وستين ضد الجندليـّه

والذي هيـّض غرامي من خطاكم ****** هرجة ٍ من واح ٍ جتني خطيـّه



بعد ما تسربت القصيده للمهربين رد عليه واحد منهم يقال له فهد الكحيلي ويقول :

ياهل الأبرق تبـّين لي خطاكم ******* والخطا راعيه يقنع بالخطيـّه

يا عوينك وارد الستـّه لفاكم ******* وعنترك خربان والخمسه رديـّه

كم ونيت ٍ لا كمل حمله وطاكم ******* وقاعد ٍ بأرقابهن تثني الهديـّه

وإن لحقتم موتره عنده دواكم ******* أرنب ٍ حمرا عيون مجادعيـّه

من قديم وسلمها تاكل (.......) ******* فعلها في جدكم لا رحم حيـّه

إن بغيت الصلح جاكم ما كفاكم ****** وإن بغيت الزود رد العلم ليـّه

مضت أيام وطرح ابن ودمان وعسكره هاف موديل سته وستين لولد عم فهد الكحيلي جديد ... عندها إستغل ابن ودمان الفرصه ورد يقول :

يا سلاح الحد يوم الله عطاكم ******* لا تهابون الخطر والمخطريـّه

خلوا الرشاش مركوز ٍ حداكم ******* والمخازن وسطها النار الصليـّه

يالكحيلي وارد الخمسه خذاكم ******* وستـّتك مع حملته ما راح نيـّه

ربعنا صادوه عانه من وراكم ******* ما مشى ياكود ألف وخمسميـّه

والعناتر يالكحيلي في حراكم ******* والفروت الحمر وجنود السريـّه

يالكحيلي ما مشينا في رضاكم ******* إن زعلتوا أو رضيتوا بالسويـّه

ياهل الهافات ما خذتوا قضاكم ******* ما بكم قاصر ولكن معجزيـّه

والكحيلي في قصيده ما كفاكم ******* دوروا غيره ترى الدنيا هبيـّه

ياهل الهافات تالي منتهاكم ******* والله إنه عند سلك العسكريـّه

مثل ٍ ناس قد وطاهم ما وطاكم ******* فعلهم كنـّه عملكم بالسويـّه

أو نسفـّركم ونسلم من غثاكم ******* والحكومه دونكم والله غنيـّه

إن مشيتوا بالسنع محد ٍ شناكم ******* ما يجازى واحد ٍ ماله قضيـّه

وإن عصيتوا الأمر معروف ٍ جزاكم ******* بأمر شيخ ٍ ما يبى راعي الخطيـّه

والحكومه رتبـّتنا في نحاكم ****** نمنع المنكر عن أفراد الرعيـّه

دارت الأيام ... ودخل ابن ودمان مكتبه ولقى فيه ظرف وفيه هالقصيده ومرسلها له واحد من المهربين إسمه صعفق بن عبيد ويقول :

الخوف لو ضد بالجزمات ***** ما نشركه مذهب شيوعي

أموات حنا عيال أموات ***** مضمون ما باقي الدوعي

وعبيد ورد لنا الهافات ***** عنده ترى البيع ممنوعي

هافات خمسات والستات ****** يالعبد يا قاصر البوعي

جميع يمشن وألا أفوات ****** والرزق ماهوب مقطوعي

إبلا دفاتر ولا لوحات ******* والخط ماهوب مشروعي

مـّرن على العبد بالساعات ****** ما فاختن شوفه أسبوعي

يالعبد مرن عليك افوات ***** وكبوت عنترك مجدوعي

عنترك مخشوش بالغابات ****** مسبوع وأبوك مسبوعي

هافات ما تخاف العادات ****** كم طنب للهاف مشلوعي


وفوراً رد عليه إبن ودمان بهالقصيده :


ما ينفع الدس والحيلات ****** والكذب راعيه مصروعي

ومن زيـّف الكذب ماله ذات ****** حتى ولو هو ّ مطيوعي

مانيب من يتبع الغرات ****** والوجه ما فيه داموعي

أدرى قصيري عن الزلات ****** ولا نيب خاين ودانوعي

عبد ٍ ولا يتبع الغفلات ****** وراسي مع الناس مرفوعي

وألا أنت عندي عليك إثبات ****** في (......) جعلك الروعي

فعلك قبيح ٍ بوقت ٍ فات ****** واليوم مثني ومربوعي

ياعبيد يا امجمـّع الخردات ****** من كل هيس ٍ وصعصعوعي

تراك من سالف الأوقات ****** دلال ما نلت مشروعي

فعلك تشيـّك علىالحملات ****** في كل منكر وممنوعي

حذفكم المهدي بنشبات ****** حطك منشـّه ومشنوعي

حتى إبن شرهان يا حسرات ****** يلعب بكم دون منفوعي

وأخوك بالحبس والحرات ****** حـّول من الجو للقوعي

لعب به الوقت لعب الزات ****** ما نيب شامت ومفضوعي

ولا نيب أحب أكشف العورات ****** ألا ليا صرت منيوعي

لا شك دونك هل العادات ****** شربوا من الجم قرطوعي

مثل الصبي قاضي الحاجات ****** طيبه مع الناس مرزوعي

عليه شرهه وله شرهات ****** أيضا ولا هوب سعسوعي

نجزي هل السو ّ بالسيات ****** ولا نيب في النذل مخدوعي

ونجزي هل الطيب بالحشمات ****** وكل ٍ له القدر مصنوعي

وهديتك يا عميلي جات ****** ودرب الحيا صار منزوعي

ياعبيد قل لصعفق هيهات ****** ماراح ماهوب مرجوعي

ومسكين يا ناظم الأبيات ****** قوالهـّن ماله ضلوعي

ينبح وينخش بالمنحات ****** خبل ٍ من العقل منزوعي

كلمة عقل مابها حوفات ****** لا شك من راس مصدوعي

وكثر التحوص مع اللفات ****** ما تعتمد كل رعروعي

والمعركه وسطها قوات ****** يدخل بها كل مقلوعي

كانك تبى الحرب هاك وهات ****** ولا تجعل القاف مدبوعي

وبأنصحك عن ضايع الهقوات ****** تصبح على الخشم مقموعي

ولا تنطح الموت والغبات ****** لا تحسب الغب ناقوعي

يا عبيد ما صار لك نوهات ****** ما غير للتن جاموعي

وخسران لو كان لك هافات ****** قلبك من الغبن منقوعي

هذا الجزا كان لك رغبات ****** وترى الزعل دوم مرفوعي

والله لو طالت المدات ****** ما أزعل ولا نيب جازوعي

أيضا ولا أحتاج للفزعات ****** وإسمي على الجين مطبوعي

إن كان عدتوا لنا عودات ****** والدار ماهوب مقطوعي

وصلوا على سيد السادات ****** اللي علىالخلق مرفوعي



ومضت الأيام وخف التهريب ... لكن تجمعوا المهربين ومروا مع المركز وحذفوا لهم ورقة فيها هالقصيده كتبها واحد منهم يقال له ( ناجي الثبيتي ) ويقول :

ياهل الهافات زيدوا سعرهنـّه ****** إشتروهن نقد وألا بالقصودي

ما حلا مرواحهن بحمولهنـّه ****** جاوزوهن غيبة الشمس الحدودي

أبرق الكبريت لا زم يسهجنـّه ****** مركزك يالعبد بيـّاع الجلودي

ما بغنـّه لازم إنهن ياصلنـّه ****** فوق والهافات عجلات الردودي

كل ما سكـّر طريق ٍ يفتحنـّه ****** يقطعن ّ الطنب ويطيح العمودي

والدريسن حملهن من سامهنـّه ****** وارد الهافات ما ينقص يزودي

عنترك بدروبهنـّه حملنـّه ****** أصبحن يالعبد عن حد النفودي

وكم صبي ٍ بالمساري زاد فنـّه ****** ما ينام الليل والعالم رقودي


وكالعاده تصدى لهم ابن ودمان .... ورد عليهم شعرياً بهالقصيده وتعتبر أطلق قصايد التهريب مما فيها من معاني وقوة أبيات :


مل قلب ٍ هيـّضه ناجي بفنـّه ****** شاعر ٍ قام ايتعلم للردودي

لو تغبى لازمن نظهر مغنـّه ****** عارفينه لو تذرى بالحدودي

وكل قولك عارفينه لو تكنـّه ****** مير ما نبغيك جعلك ما تعودي

والعلوم الخايبه مالك وهنـّه ****** والمرد الشين عندي ما يكودي

مثل بعض الناس عندي له محنـّه ****** حشمة ٍ لشعيب خذها لك سنودي

والحنش الاسود أنا بأنصحك منـّه ****** لا تحسب إنه من العالم شرودي

ومن بغى التهريب هافه لا يحنـّه ****** والخطر قدمه على حد الحدودي

إن نوى الله فكتّـه ما فيه منـّه ****** كل دربه لا مشى لينه سهودي

أو يصادف لا نوى ربي يعنـّه ****** ياخذون الهاف وعيونه شهودي

والعوض من عقبها يخشر بسنـّه ****** والنصيفه من حلاله للجنودي

مير وين أهل القلوب المرجهنـّه ****** كانكم توفون للقول العهودي

مروا الأبرق وهن بحمولهنـّه ****** عارضوا قدام بابه يالفهودي

خلوا العنتر يشوف أزوالهنـّه ****** والخطوط طوال والدرب امحمودي

وما حلا شوف البكم يرثع بشنـّه ****** في عفاش القاع مع جدع الطرودي

وما حلا صفق الفشق بجنوبهنـّه ****** والبرن ّ يعدهن عد النقودي

وكل هاف ٍ فيه جندي ٍ يقنـّه ****** والمهرب طايح ٍ ما فاد فودي

والسنافي في عهوده سمهنـّه ****** ياصل الحروات لو دون الحدودي

إضربوا درب الخطر والموت سنـّه ****** والفتى عمره على اللوح امحدودي

والذي يوعد ولا يوفي بهنـّه ****** ودك إن ايحط في صدره نهودي


ودارت بينهم عدة قصايد لكن ......يعني بالعربي ( ما تصلح هنا) ويجدر بالذكر إن إبن ودمان هو شاعر القصيده المشهورة :
لاتتصل بي طابت النفس يا زين ****** الله يسهل لك طريق السعاده
--
وسلامـــــــــتكم












توقيع :




التعديل الأخير تم بواسطة غازى بن عجاب أبوزوايد ; 21-05-12 الساعة 06:45 AM سبب آخر: خطاء إملائي بسيط
عرض البوم صور الراسي   رد مع اقتباس
قديم 21-05-12, 08:42 AM   المشاركة رقم: 2
المعلومات
الكاتب:
اللقب:
عضو ماسي
الرتبة:
الصورة الرمزية
 
الصورة الرمزية خيال

البيانات
التسجيل: Mar 2012
العضوية: 4779
الجنس: ذكر
المواضيع: 153
الردود: 968
جميع المشاركات: 1,121 [+]
بمعدل : 0.42 يوميا
تلقى »  27 اعجاب
ارسل »  16 اعجاب
اخر زياره : [+]
معدل التقييم:
نقاط التقييم: 50

التوقيت

الإتصالات
الحالة:
خيال غير متصل
وسائل الإتصال:

كاتب الموضوع : الراسي المنتدى : مجلس قصة وأبيات
افتراضي رد: ابن ودمان وابرق الكبريت

نشكرك جزيل الشكر ع الايراد وتقبل مني مروري وتقديري لك ،












عرض البوم صور خيال   رد مع اقتباس
قديم 21-05-12, 10:47 AM   المشاركة رقم: 3
المعلومات
الكاتب:
اللقب:
::عضو فضي::
الرتبة:
الصورة الرمزية
 
الصورة الرمزية الراسي

البيانات
التسجيل: Mar 2007
العضوية: 6
الجنس: ذكر
المواضيع: 39
الردود: 153
جميع المشاركات: 192 [+]
بمعدل : 0.04 يوميا
اخر زياره : [+]
معدل التقييم:
نقاط التقييم: 50

التوقيت

الإتصالات
الحالة:
الراسي غير متصل
وسائل الإتصال:

كاتب الموضوع : الراسي المنتدى : مجلس قصة وأبيات
افتراضي رد: ابن ودمان وابرق الكبريت

مشكور يالخيال على المرور

وشكر خاص لغازي بن عجاب على التعديل












توقيع :



عرض البوم صور الراسي   رد مع اقتباس
قديم 21-05-12, 06:31 PM   المشاركة رقم: 4
المعلومات
الكاتب:
اللقب:
إداري سابق
شاعر وناقد وراوي

الرتبة:
الصورة الرمزية
 
الصورة الرمزية غازى بن عجاب أبوزوايد

البيانات
التسجيل: Mar 2008
العضوية: 937
الاقامة: بالرياض
الجنس: ذكر
المواضيع: 448
الردود: 6371
جميع المشاركات: 6,819 [+]
بمعدل : 1.66 يوميا
تلقى »  22 اعجاب
ارسل »  19 اعجاب
اخر زياره : [+]
معدل التقييم:
نقاط التقييم: 105

التوقيت

الإتصالات
الحالة:
غازى بن عجاب أبوزوايد غير متصل
وسائل الإتصال:

كاتب الموضوع : الراسي المنتدى : مجلس قصة وأبيات
افتراضي رد: ابن ودمان وابرق الكبريت

مشكور على الايراد
تحيتي







الرجا الاطلاع على هذا الرابط












توقيع :

[

ديواني المتواضع يشرفني مروركم
http://www.alfredah.net/forum/threads/alfredah28369/


التعديل الأخير تم بواسطة غازى بن عجاب أبوزوايد ; 30-05-12 الساعة 11:46 AM
عرض البوم صور غازى بن عجاب أبوزوايد   رد مع اقتباس
قديم 21-05-12, 08:28 PM   المشاركة رقم: 5
المعلومات
الكاتب:
اللقب:

المشرف العام
عضو مجلس الإدارة

الرتبة:
الصورة الرمزية
 
الصورة الرمزية عبدالله حمد الفريدي

البيانات
التسجيل: Jul 2010
العضوية: 3075
الاقامة: القصيم بريده
الجنس: ذكر
المواضيع: 952
الردود: 7757
جميع المشاركات: 8,709 [+]
بمعدل : 2.67 يوميا
تلقى »  102 اعجاب
ارسل »  131 اعجاب
اخر زياره : [+]
معدل التقييم:
نقاط التقييم: 107

التوقيت

الإتصالات
الحالة:
عبدالله حمد الفريدي غير متصل
وسائل الإتصال:

كاتب الموضوع : الراسي المنتدى : مجلس قصة وأبيات
افتراضي رد: ابن ودمان وابرق الكبريت

شكراً على الاختيار الرائع لاهنت












توقيع :

عرض البوم صور عبدالله حمد الفريدي   رد مع اقتباس
قديم 22-05-12, 01:28 PM   المشاركة رقم: 6
المعلومات
الكاتب:
اللقب:
شاعر
الرتبة:

البيانات
التسجيل: May 2009
العضوية: 2111
الجنس: ذكر
المواضيع: 23
الردود: 515
جميع المشاركات: 538 [+]
بمعدل : 0.15 يوميا
اخر زياره : [+]
معدل التقييم:
نقاط التقييم: 50

التوقيت

الإتصالات
الحالة:
الجديد غير متصل
وسائل الإتصال:

كاتب الموضوع : الراسي المنتدى : مجلس قصة وأبيات
افتراضي رد: ابن ودمان وابرق الكبريت

اخونا الراسي ماتخبرلي هافن زين؟
والله إنك شوقتنا .تسلم على النقل الجميل
وصح لسان الشعراء المشاركين .تقبل مروري وإهداء تحياتي إليك .












عرض البوم صور الجديد   رد مع اقتباس
قديم 22-05-12, 02:18 PM   المشاركة رقم: 7
المعلومات
الكاتب:
اللقب:
مراقب بيت القصيد
الرتبة:
الصورة الرمزية
 
الصورة الرمزية علي الجضعان

البيانات
التسجيل: May 2007
العضوية: 415
الاقامة: في وطن الشموخ
الجنس: ذكر
المواضيع: 543
الردود: 7569
جميع المشاركات: 8,112 [+]
بمعدل : 1.84 يوميا
تلقى »  41 اعجاب
ارسل »  14 اعجاب
اخر زياره : [+]
معدل التقييم:
نقاط التقييم: 166

التوقيت

الإتصالات
الحالة:
علي الجضعان غير متصل
وسائل الإتصال:

كاتب الموضوع : الراسي المنتدى : مجلس قصة وأبيات
افتراضي رد: ابن ودمان وابرق الكبريت

الف شكر ع الاضافه

وعندي سؤال هل بن ودمان حي ؟












توقيع :



عرض البوم صور علي الجضعان   رد مع اقتباس
قديم 22-05-12, 02:37 PM   المشاركة رقم: 8
المعلومات
الكاتب:
اللقب:
::عضو فضي::
الرتبة:
الصورة الرمزية
 
الصورة الرمزية الراسي

البيانات
التسجيل: Mar 2007
العضوية: 6
الجنس: ذكر
المواضيع: 39
الردود: 153
جميع المشاركات: 192 [+]
بمعدل : 0.04 يوميا
اخر زياره : [+]
معدل التقييم:
نقاط التقييم: 50

التوقيت

الإتصالات
الحالة:
الراسي غير متصل
وسائل الإتصال:

كاتب الموضوع : الراسي المنتدى : مجلس قصة وأبيات
افتراضي رد: ابن ودمان وابرق الكبريت

اقتباس:
المشاركة الأصلية كتبت بواسطة علي الجضعان مشاهدة المشاركة
الف شكر ع الاضافه

وعندي سؤال هل بن ودمان حي ؟












توقيع :



عرض البوم صور الراسي   رد مع اقتباس
قديم 30-05-12, 11:48 AM   المشاركة رقم: 9
المعلومات
الكاتب:
اللقب:
إداري سابق
شاعر وناقد وراوي

الرتبة:
الصورة الرمزية
 
الصورة الرمزية غازى بن عجاب أبوزوايد

البيانات
التسجيل: Mar 2008
العضوية: 937
الاقامة: بالرياض
الجنس: ذكر
المواضيع: 448
الردود: 6371
جميع المشاركات: 6,819 [+]
بمعدل : 1.66 يوميا
تلقى »  22 اعجاب
ارسل »  19 اعجاب
اخر زياره : [+]
معدل التقييم:
نقاط التقييم: 105

التوقيت

الإتصالات
الحالة:
غازى بن عجاب أبوزوايد غير متصل
وسائل الإتصال:

كاتب الموضوع : الراسي المنتدى : مجلس قصة وأبيات
افتراضي رد: ابن ودمان وابرق الكبريت

الرجاء الاطلاع على هذا الرابط












توقيع :

[

ديواني المتواضع يشرفني مروركم
http://www.alfredah.net/forum/showthread.php?t=28369

عرض البوم صور غازى بن عجاب أبوزوايد   رد مع اقتباس
إضافة رد

الكلمات الدلالية (Tags)
ابن , ابن ودمان وابرق الكبريت , الكبريت , وابرق , ودمان


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تـرجـمـــة عبدالله بن مسعـــــود رضي الله عنـه ذعذاع الشمال المجلس الإسلامي 3 16-07-10 07:49 PM
نبذه تاريخيه عن فرسان العرب من عام 1170هـ الى 1385هـ والي غرناطه المجلس العام 5 10-08-07 09:54 PM
الصيام في فقه ابن عباس عبدالله بن غنام المجلس الإسلامي 0 14-04-07 07:32 PM


الساعة الآن 04:10 AM


Powered by vBulletin® Copyright ©2000 - 2019, Jelsoft Enterprises Ltd.
Content Relevant URLs by vBSEO TranZ By Almuhajir
Ads Management Version 3.0.1 by Saeed Al-Atwi
لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52