لاياوجودي وجد من داور الحيلات

لا ياوجودي وجد من داور الحيلات=صكات بقعاء حول دنياه مفتره
على تسعه وتسعين من دفعة الشاصات=توه جديد الصنع من منطقه حره
اول موديل الفين هو اخر التسعات=من الباخره مر الجمارك على بره
ريح الغماره من حفيزه وديكورات=يبري نفوس من عناء الوقت منظره
شغله مع التمرين كله سبع ساعات=لو مرنه يومين وافتك من شره
شده بتنكر ماء حمله عشر خانات=من ضيم حمل التانكي بالدبل جره
عقب طويل الجوف متنطح طلعات=اللي يعرف الوصف قبله عن الحرة
حط المروت يسار وبداية العسرات=شمس الظهر بجامته كنها غره
قام يتحدر ويتسند مع الصقطات=وحرارته خمسين مايقال محتره
تسمع قنيب المروحه غير ماش اصوات=ولطش الهوى لتروس قيره لياجره
حضر عليه ابليس يذكر زمان ٍ فات=يقول غير السقس مافيه بالمره
لو قال ماشاء الله واكثر من الايات=الله قوي وابن آدم اضعف من الذره
فوق ميتين درام حتى مع الميلات=يمشي بهن مرتاح والحمل ماظره
فاآخر طلوع موصف له من الصعبات=مدري وش اللي صار كنه سمع كره
نزل انبير الزيت وارتجت المكرات=حدى السبايك قرشعت بآ خر الصره
طفى بواحد وآلعات به اللمبات=دقه سويش ويفوت السلف مافره
قلبه كواه البين ويجاحده بسكات=يحاول انه يشتغل بس هالمره
حول وشاف الزيت ينقط على السستات=شاف البلا والهم والعيشه المره
بثلاث مية الف مدفوعة شيكات=من غير عشرين الف بالتانكي كره
مزرفلوسٍ وسط جيبه مع الاثبات=عقله يجي ويروح لا شك ماسره
جاب الحطب وسط الغماره على الفرشات=اخر تصرف وسطه النار موتره
شب الحريق وزاد عقب الدريول مات=يبكي عيون اللي يشوفه اليا مره

ذياب عبيد الحيسوني

شكراً ذعذاع

اخوى
ذعذاع الشمال
لاهنت على النشروصح لسان الشاعر
على هالوجدانيه الرائعه
تحيتي

ياهــــلا فيكم

ذعذاع الف شكر ع الاضافه الرائعه


هذا الشاعر يعجبني شعره


أكرر شكري لك على الأختيار والذوق

الرائع الف شكر على جهودك بأقسام الشعر


وهذا متابع من قبلي أتمنى لك التوفيق

ياهلا بك من ذوووقك .