صحيح خير من العلاج الوقايه .. مير المصيبه لاوقايه ولا علاج

صحيح خير من العلاج الوقايه=مير المصيبه لاوقايه ولاعلاج
لاتنصحوني كل" ابخص برايه=وقت النصايح فات واليوم محتاج
مابالنصايح فود عقب النهايه=عقب النهايه مابها غير الاحراج
وبعض الوسايل ماتوصلك غايه=والصبر يقضي نوب من قل الافراج
ودرب الضلاله غير درب الهدايه=ولكل مخلوق" بدنياه منهاج
ولا كل رماي يجيد الرمايه=ولا كل عد نارده مثل هداج
والناس بعض الناس مثل المرايه=يضحك بوجهك وان مشى منك هراج
يبحث خفاك وعنك ينشر دعايه=ويجني عليك بصحبته هم وازعاج
وانا عسى المعبود يجبر عزايه=ويشفيك ياجرح" ورى ظامري لاج
من بعد ماطول عناي وشقايه =وتهت ببحر همي وصارعت الامواج
ويخضر يباس ارضي ويصفي سمايه=وتنام عينن ما اهتنت بالتمهلاج

عبد الله باتل القلادي

صح لسان الشاعر عبدالله

وشكراً اخوي على حسن الاختيار

كعادتك تقبل تياتي

ياهــــلا فيك