( أهـــل المــجــالــس )

يا حمام الورق خذ مني سلام=وارسله في منتدى الربع الكرام
في رسالة ود بانواع الكلام=والمعاني نبض يا قلب الحياه
شاقني نور المعاني والحروف=والهجوس اللي على الخاطر وقوف
حايره بين الليالي والظروف=والقمر لازال نوره في سماه
يا عيال العود ما عنكم صدود=سيرة ابطال ومطانيخ واسود
والله الرزّاق والعالم شهود=وغير رب الخلق ما ينفع رجاه
والعداله حق في كل الامور=ثابته أرض البشر وإلا تدور
لو يطول القاف ما عدّيت زور=كل قومٍ عندهم سيره وجاه
لكن الموضوع جمله واختصار=منتدانا دام عزّه والشعار
دايماً في ليل وإلا في نهار=ثروته جوهر ثريــّـاه وثراه
بالشموخ وكل علمٍ زين فاز=والرياده له وصلها بامتياز
قـمـّـة التحديث ما تلقى نشاز=من جهود اهل المعرفه مبتداه
من بعد فضل الذي ملكه عظيم=الله اللي لاعطى بامره كريم
زاد خير الارض ثم هبّ النسيم=يا هبوب النود ما غيره إلــه
وإن بغيت اشرح معي راي ودليل=بالسند محفوظ جيلٍ بعد جيل
لو يميل الوقت ركنه ما يميل=حافظه مولاه ثم حفظ الرواه
والحياه أشكال وانواع وفرص=ما يفيد الآدمي مهما حرص
القدر مكتوب لو عدّ وخرص=خالفته أرياه وحسابه خطاه
والمجالس جملة اخوان وخوات=وصفهم وصف الأدب واسمى الصفات
المعاني والمبادي طايلات=والفخر تاريخهم نوره ضياه
في سما دار الجزاله له نصيب=من قديم ومن بعيد ومن قريب
مفرداته صوت ذيب لصوت ذيب=يبطي التاريخ والله ما نساه
يا هجوسي رددي عبر السنين=بالهقاوي دوم حنا حاضرين
نلتمس علم الحقايق باليقين=ما خطر بالبال يا علّ وعساه
والقناعه كنز وحساب ورصيد=والجماعه دمّ شريان اوريد
ترجمة عنوان للراي السديد=ولو يغيب الصوت له صدّق صداه
دام عزّ المنتدى واهله جميع=في مقام أهل الكرامات الرفيع
واشرقي يا شمس في فصل الربيع=واثق الخطوات حبل الله عصاه
والختام اعداد ما بالكون روح=وكل روضٍ نسمة زهوره تفوح
باجمل اسلوب وتعابير اوضوح=للنبي أزكى سلامي والصلاه

ستبقى المجالس بالعلالي بوجودك ووجود الاعضاء الكرام وكل يوم نجد ابداع وتميز منهم ،،، 
وانما قصيدتك دليل على انك صاحب وفاء وجهود جبارة.... 
لك مني كل المحبة وتقدير... 
قصيدة جزله يظهر بها  ابداع شاعرها ابو عبد السلام والثقافه الشعرية التي تتمتع بها 
تقبل مداخلتي لك.... والسلاااام 

لا هنت أبوصالح .. ومشعل المجالس .

كلك ذوق ونظر .

والإبداع والوفاء منكم ولكم .

واهل المجالس يستاهلون ..


تحيتي وتقديري .

صح لسانك ابا عبدالسلام
نعم نحن هنا إخوه ولن يكدر صفونا احد
وجهدنا نبذله لرفعة هذا الصرح الشامخ والحمدلله
التكاتف موجود من الجميع شكراً الاضافه الرائعه من
روائع نواف فارع طرق مروبع جميل دمت بالوجود
تحيتي

لا خلا ولا عدم .

وصح بدنك أبوفيصل ناقد وشاعر بمقام الشعراء والنقاد الكبار .

فدمت بهذه المبادئ .. ودام اسمك .

تحيتي وتقديري .

ابو عبد السلام
صح لسانك على هذه المروبعة مع بداية الربيع ...
والربيع هو الاجمل والازهى من بين فصول السنة ولذا تكون هذه الرائعة قد
اخذت من لون الربيع وخصائصه وسوف اسميها :
"ربيعية المجالس"
،،،
حضورك نواف متميز وحروفك شامخة ومشاعرك كريمة واخلاقك عالية
هكذا عرفناك ...
،،،
لك مني اجمل التحايا والود
لاعدمتك
.........

عميد بيت القصيد :

أبوعبدالعزيز .

صح كلك .. ودام ذوقك ..


والربيع ما ترسمه حروف ردودك .. ويصوره اسلوبك الأدبي المتميز .


تحيتي وتقديري .

افصحت بهذه الرائعه بكل المقاييس
صحّ لسانكْ ونبضكْ....’/ياوافي
تقبل ردي وودي

صح لسانك وعلى شانك ابا عبد السلام


منتدانا عزيز وسوف يبقاء عزعيز أنشا الله


بوجودك أنت وخواننا وخواتنا اعضاء وعضوات المجلس


فهذا المجلس يظم كوكبة من رجال القبيلة لمعاصرين الذين صقلتهم


تجارب الحياة بحلوها ومرها0

وهذا المجلس يعلوا ويفخر با اعضاءه من الشباب الذي نهلوا من العلم والمعرف

ولم ينسا او يتناسا قيمه الدينية والاخلاقية وكذالك المحافظة على النهج الوسطي0


فاانتم ياشباب المنتدا شمعتة التي تضي وتنور هذا الهرم الشامخ

باسمه الشامخ بمحتواه فلكم مني جميع ٍ الشكر والتقدير




واشكر لك يا نواف على هذه القصيدة الجزلة

أختي القديرة / تعاند من يعاندها .

صحت معانيك وكلماتك .

ودمت بهذا الرقي والتميز .

تحيتي وتقديري .