رساله لمحمد شعيبان

رساله مني لشاعر محمد شعيبان الفريدي
تفسيرها في معانيها
اقول

اشتاق يامحمد لجمع الرفاقه=بزيارت " ساعاتها عندي اخفاف
لرض القصيم الخيرجوء الرواقه=مريت باللي ليا تصل قال متشاف
واخذت فنجال" على شف فاقه=عند الرفيق اللي بشوش" ومضياف
يحمض بها قلبي وياخذ الياقه=بصدق العلوم الطيبه جزل ونظاف
شربة محيم وتعطي الجسم طاقه=من منهل الحكمه بلا موح غراف
رجل" مثل سدحان نوعه اشفاقه=يرجع بنا ماضيه والذكر لوطاف
واقبل زهور الورد من كل باقه=واترك غصون الشوك من بد الاصناف
شوك الحماط تثير لوهي دقاقه=من شكلهاجزعان لومابي اخلاف
اشوفها بعيون ربع الحماقه= يا ليت ربي بين القلب شفاف
خلى البشر يرتاح من كل عاقه=ويضهر لها الحاقدمع الناس ويشاف
يعرف مابين أهل القسى واللباقه=واللي بنا الرفقه على كرت صراف
حسب رصيد الشخص تجي الصداقه=خلى القرابه حالها حالت اسعاف
وقت اللزوم يزينون العلاقه=واليا اكتفى يظهر لنا الخافي اغلاف
هذا وانا مالي مع الذود ناقه=لاشك يضايقني هل المنطق الجاف
يابن حمد مدام لشعر طاقه=عطني حكيم الراي ياذرب بنصاف

سعد هذيل الفريدي

رد ابن شعيبان

الاتي

بيت الشعرمعروف ستره ارواقه=ورمز الكرم نجر ومعاميل ورفاف
معناك يابن هذيل وسع نطاقه=حتى يطيب القاف لمهندس القاف
موضوعك اللي قلت على سياقه=يحق لي مارد ومصدر وميقاف
الحاصل الطاروق عندي اغلاقه=بيت على بالي له ايام تطاف
يامل قلب"وارد الهم ساقه=سوق الخيال اللي لبرقه ترفراف
على الرفيق اللي صعيب"افراقه=سدحان ابن سدحان معدوم الاوصاف
نعم الرفيق اللي يشرف نطاقه=لكل علم"يرفع الراس ميلاف
غير الوفى مافيه موضوع شاقه=دايم على الجزله شفوق" ومزهاف
كنت احسبن مالي على الصبر طاقه=بعده لكن الله رحومٍ ورواف

محمد شعيبان الفريدي

الشاعر الكبير
سعد هذيل الفريدي
صح لسانك يابو فهد
وصح لسان الشاعر محمد بن شعيبان
شعراء كبار ومعانٍ جزله برجل يستحق المدح
صحت الالسن وسلمت القلوب وشكراً لك الاضافه الجميله
تحيتي

ألأخ أبوفهد / وألأخ أبوفهد صحت ألسنتكما جميعآ.
و رحم الله ابوسلطان . تحياتي

صحت السنتكم يابن هذيل يابن شعيبان ورحم الله ابن سدحان

وشكراً اخوي سعد على الاضافه

صحت المعاني والقوافي ... ورحم الله بن سدحان وجميع موتى المسلمين .

وسلمت أخي الشاعر / سعد بن هذيل .

على هذه الإضافة .

تحيتي وتقديري .

المشاركة الأصلية كتبت بواسطة غازى بن عجاب أبوزوايد

الشاعر الكبير

سعد هذيل الفريدي
صح لسانك يابو فهد
وصح لسان الشاعر محمد بن شعيبان
شعراء كبار ومعانٍ جزله برجل يستحق المدح
صحت الالسن وسلمت القلوب وشكراً لك الاضافه الجميله

تحيتي

ابوفيصل الله يسعد اياكم
ويعزمقدارك ومقامك
لاهنت شكرا على
مرورك

الاخوه الاعزا

الجديد
علي محيميد

صح الله ابدانكم
وبارك الله فيكم
وشكرا على مروركم
الطيب

ابو فهد صح السانك على المساجلة الرائعه جداً
استمعت بروعة القصائد الجميلة منك ومن الشاعر ابن شعيبان
سجل أعجابي بجميع القصائد
تقبل مروري لك وتقديري
ودمت بحفظ الباري

سعد بن هذيل
ومحمد بن حمد
علمين من رموز الوفاء والمحبة اضافة الى جزالة الشعر
ولا شك ان هذه المساجلة الرائعة ومن اشارت اليه من اجمل ماقرأت
كما ان وجود اسم ذلك الصديق العزيز والرجل النادر ابو سلطان زادها
جمالا وروعه .. رحم الله سدحان وغفر له ...
والخير لاشك موجود ولكن الناس توسعت مشاعرها يابو فهد هذا الزمن حتى
لو لم يكن هناك تقصير متعمد ولكن اشغال الدنيا اعان الله عليها ....
شكرا لك على الاضافة الرائعه
لاعدمتك
........

المشاركة الأصلية كتبت بواسطة ابـن مـطــيع

ابو فهد صح السانك على المساجلة الرائعه جداً
استمعت بروعة القصائد الجميلة منك ومن الشاعر ابن شعيبان
سجل أعجابي بجميع القصائد
تقبل مروري لك وتقديري
ودمت بحفظ الباري

؟؟

عزيزي مشعل
يشرفني اعجابك ومرورك
طابت ايامك وللياليك