الوقت له ميله والايام تندار = ولكل جبار نهايه رديه

ياالله ياعالم خفيات الاسرار = ياناصر خلقه بسنة نبيه
يامنجين بامرك ولطفك هل الغار = من عقب ماشافوا سهوم المنيه
نطلبك يارب الملا سر واجهار = نرفع ايدينا كل صبح وعشيه
يافرد ياقيوم ياخير غفار = ياالواحد التواب عن كل سيه
تقضي على بشار واعوان بشار = واتعين اهالي حمص واللاذقيه
ومحافظة درعا بها قصف الاعمار = وحماه والرقه مع المالكيه
عاثوا بهم كفار واعوان كفار = راحوا ضحية ضحكتن عالميه
انشهد انه عار وابشع من العار = قدامنا الاوضاع ماهي خفيه
جنايزن تدفن بها اكبار واصغار = قضوا عليهم دون ذنب وخطيه
الليل قصف وحرب والصبح بحصار = ابحجة ان اوضاعنا داخليه
اسرف على شعبه يبي ياخذ الثار = متوارثن شره من القادسيه
لكن يجيله يوم ماتفيد الأعذار = اما انذبح ولا تقفا خويه
الوقت له ميله والايام تندار = ولكل جبار نهايه رديه

الشاعر / صالح بن محماس الطهيمي

صح لسان الشاعر
صالح بن محماس الطهيمي
ولاهنت اخوي الفريدي على النقل للجزل
شكرا لك الاضافه الرائعه للشاعر الرائع
تحيتي

صح لسان الشاعر صالح بن محماس
وكل الشكر والتقدير لك ابا عبدالله

اللهم انصر المسلمين في كل مكان

صح لسان الشاعر

ولاهنت على النقل

تحيتي وتقديري

قصيدة جزلة تعبر عن مشاعر رجل يحس بآلام اخوانه المسلمين
صح لسان صالح بن محماس وصحت مشاعره
تعودنا منه جزيل الشعر وجميل المشاعر
،،،
وشكرا لك ابا عبد الله على هذه الاضافة الرائعة في كل شيء
لاعدمتك
.......

صح لسان الشاعر , ومشكور يا سندي على الإضافه

جميل أن يعيش الإنسان همّ أمته ، وتمتزج مشاعره بجزالة شعره

صح لسان الشاعر فقصيدته جزلة ونتمنى حقيقة أن لا يحرمنا جديدة

وكل الشكر لك أبو عبدالله على هذا النقل الجميل جداً

صح السان الشاعر صالح
وصح بدنك على الاضافة الرائعه والجميلة/ قصيدة جزلة
بنتظار الاضافات القادمة
تقبل مروري لك

صح السان الشاعر
والله ينصر اخوانا بكل مكان

صح لسان الشاعر
صالح محماس الفريدي
وسلمت ابو عبدالله على الاضافه لاهنت