مساجله بيني وبين راكان بن جضعان

قبل مده وصلتني هذه القصيده
من الشاعر الشاب : راكان بن سعود ابن جضعان

ردو سلامي لبن عبلان =الشاعر الفاهم الواعي
اطيب من المسك والريحان =تحيتن ريحها شاعي
لوكان مالي معه عرفان =شرواه يشرا ماينباعي
واعطوه من عندي القيفان=جزل المعاني والابداعي
قبلي يعبر بنطق إلسان=ضامي على زين الاطباعي
سهم الهوا علة التعبان =من شوفته شانت اوضاعي
امسيت من حبها رويان =عن غيرها القلب ماطاعي
قلبي على شوفها شفقان =والحال من عقبها إلتاعي
لوكان درب الهوا خربان=رعيتن مالقت راعي
والحل هاته بلا نسيان =نسيانها زود اوجاعي
ابليت في حبها لوكان =مالي عن الحب مهزاعي
وسلام ربي لبن عبلان =اعداد ماهب ذعذاعي

وهذا الرد

سلم وسنّد ابن جضعان=يسلم وانا بسعده ساعي
ماسار بمسايس السيسان=سيره على سلم الاسناعي
قال الهواء مالقاء رعيان=رعيته مالقت راعي
قلت الهواء لا سباء رديان=لهل الردا صار مرياعي
لدك ثم دنة الجرسان =خلا هل الغي خضاعي
يفدون راع النقاء راكان=ماله عن الطيب مرجاعي
دامه على منهج الشيبان=يتبـَع ولاهو بتبّاعي
حرن شمخ يكفخ الجنحان=يجّزع ولاهو بجزاعي
شيهانته دونها عقبان=من بالسماء يضرب القاعي
يقدر لها لاشهر حدمان=لو دونها الموت منصاعي
لكن نواء يسبر الميدان=دام الوحش عنه ماضاعي
يومن غيره فرس سمقان=وان شاهد الحوم يرتاعي

إبداع وتميز في الحرف والكلمة .

صحت معاني الشاعرين .

ودمت شاعرنا القدير / أبوسعيد .

على روعة النقل والاختيار .


تحيتي وتقديري .

اخوي عبدالعزيز العبلان
صحت الالسن وسلمت القلوب قصائد روعه
من شعار شباب كبار بشعرهم
لاهنتوا جميعاً
تحيتي

حياكـ يابو عبدالسلام

وصح بدنك ولاهنت على تواجدك

ومرورك المشرف

ابوفيصل

حياك الله وصح بدنك

ولاهنت على مرورك وتواجدكـ

المشرف

تحيتي وتقديري لك

صحت السنتكم جميع على هذا الا بداع الغير مستغرب

مع العلم إني اول مره اسمع للشاعر راكان لاكن القصيده هذه

تدل إن وراها شاعرمبدع نتمناله التوفيق


اما انت يابن عبلان احدا شعرانا الكبار ولاغرابه عليك

لك اجمل تحياتي

المشاركة الأصلية كتبت بواسطة علي محيميد الفريدي

صحت السنتكم جميع على هذا الا بداع الغير مستغرب

مع العلم إني اول مره اسمع للشاعر راكان لاكن القصيده هذه

تدل إن وراها شاعرمبدع نتمناله التوفيق


اما انت يابن عبلان احدا شعرانا الكبار ولاغرابه عليك

لك اجمل تحياتي

الشاعر القدير علي بن محيميد

صح بدنك ودام تواجدك المميز
ولاهنت على مرورك المشرف
واشادتك شهاده اعتز بها

تقبل وافر التقدير