كل مالديت فالنايفات من الجبال =شفت جرة شرهتي طالعه ومحوله

احمد الله و اشكره ربنا جل و تعال=الانافه و السما و العلا والقو له
الله لا يقطع من الحظ و عيال الحلال=و الجناب الطيب اللي تشب الضو له
رحت انا ويا الهواجيس في روح و تعال=القوافي شيبت والنصوص مقوله
ونذكر الفزعات عند الاكابر وال ال=كل ماشفنا ثقال الحمول متوله
وكل مالديت فالنايفات من الجبال =شفت جرة شرهتي طالعه ومحوله
استوا لي في نبا النائب الثاني مجال=روض طيب كل غرا تجيه مفوله
نايف اللي بعد ربي عليه الاتكال=ونايف اللي كل مر الدهر يحلوله
ونايف ابو اهل القرى والمناطق والاهال=ونايف اللي يمنع التاليه والاوله
نايفٍ فيه الروى والمذاري والظلال=لليتاما والمعاقين والمتسوله
ونايف اللي جود كفه هبال من الهبال=الغني تغرره والفقير تموله
وكان وردوا صافي الماء طويل من الحبال=و رد بحبالٍ طويله ماهيب مطوله
تغلبي فاتح باب صدره للرجال=لين صارت سمعته كوكبه متجوله
شايب لامات عقب مثل نايف عيال=يرحم الله شايبه واسرته ومعوله

الشاعر الكبير سعد ابن جدلان

شكراً
عبدالعزيز على الاضافه الجزله لاهنت

العفو يابوحمد

والجزل تواجدك ومرورك المشرف

تحيتي لك

صح لسان بن جدلان
ولاهنت ياعبدالعزيزي بن عبلان
تحيتي

صح لسان الشاعر وتسلم ابن عبلان على هذا الاختيار
يعطيك العافية

لاهنتم على التواجد والمرور المشرف

تحيتي وتقديري لكم

صح لسان ابن جدلان وشكراً يابن عبلان

حياك الله

ولاهنت على مرورك المشرف
تحيتي لك