دور على غيرنا

ياليتني سالم ٍ من سفرة البحرين=ولا شفت من مبسمه سبـّب معاناتي
الناعم اللي خدوده يضحكن للعين=باسباهن "بالمنامه" نصف الامواتي
حاولت لفت انتباهه مير حظي شين=على الاقل ماعطاني حق شيباتي
يازين جينا زيارة بعدها ماشين=وديارنا -يالله الخيره- بعيداتي
واكرام ضيف "الخليفه" في مقام الدَّين=اما ذكركم بخير او راح شَمَّاتي
ويوم انتهى من عذابي قال لي حرفين= "دوّر على غيرنا واقبل تحياتي"

واكرام ضيف "الخليفه" في مقام الدَّين=اما ذكركـم بخيـر او راح شَمَّاتـي
ويوم انتهى من عذابي قال لي حرفين=دوّر على غيرنـا واقبـل تحياتـي

الشاعرالكبير قدراً ومقام
ابو عبدالعزيز
صح لسانك مليون
هكذا عهدناك لاعدمناك ابداع وامتاع وجزاله
دمت بالوجود ودام لنا تواجدك

الله الله على هذا الابداع الغير مستغرب من صاحب الابداع

الشاعر الكبير خلف
حاضر في كل المواضيع



بقوته وجزالته المعتاده له منا جزيل الشكر والتقدير

الغالي ابوحمد
صح بدنك وسلمت يمينك
وادام الله وجودك وتواجدك
اسم يعني الكثير الكثير لانه لصاحب القلب الكبير
لاعدمت حروفك
....

نظم رائع وجميل كما عهدناك
تسلم ياعمنا
.......

بس لي عليكم عتب ياشعراؤنا
ولاقصيده
في
بنات القبيلة
ليش

اخوى الكبير بقدره
وانا أقول يوم تنشد عن قصيدة بن لعبون
ساكنينٍ على جال الرفاع أثر ماهي لله وراك شيء
عموماً صح لسانك ولاهنت ولنا لقاء والهوى شرقاوي
دائماً وأبداً تتحفنا بالغالي يالغالي
تحيتي

صح لسانك يا طويل العمر ,

الغاليه ريم
الرائع هو تواجدك هنا وثقتك الكبيره
صح بدنك وبنانك
اما تساءلك وعتابك فعلى الراس والعين
والجواب هناك ...

الشاعر المبدع
علي بن محيميد
صح بدنك وسلمت مشاعرك الكريمه
تعودنا منك جميل الكلام وكبيرالاحترام
وما ذلك الا لسمو النفس واصالتها
لاعدمتك
...

صاحب المقام سيد الكرام
الغالي ابو فيصل
الحال من بعضه ياعزيزي
وتراك بغيت تاصل اللحم ههههههههههههههههه
ماكل مايعرف يقال لاخليت منك
وعلى شان كذا راحت عليك الحلاوة البحرينيه
وصح لسانك لاعدمتك
.....