•اعشق شوارع حيّها يـا بعـد حـي •

•اعشق شوارع حيّها يـا بعـد حـي •


ياجرح مالك صالـح بخوتـك لـي
ليا متـى و انـا بوصلـك أعـانـي





ارفق على اللي حي ماعـاده بحـي
حتى و لو نبض الأمـل بالمحانـي





جيتك رهين احزانـي و طالبك شـي
تطلق سراحـي يـا معقـد لسـاني





أو خلني أعيـش بافراحـي شـوي
حتى لـو تخلينـي اضحـك ثوانـي





ان قلت لك لا ترجع اتركني وعـي
ما هو مهم اعيـش بلـواي ثانـي





أهم شي ارجـع لضحكـات ماضـيّ
قبل ارتكب ذنب الغـلا فـي زمانـي





من جيت عالمها و انا عايش بغـي
مـــكانهـا يجبرنـي اكـره مكـانـي





حتى اني امشي يمهـا فـارد يـديّ
خيـال شـاعر يستبيـح المعانـي





ماهي قبالي بـس يجذبنـي الضـيّ
و من دونها شيطان عشقي دعانـي





حلـوه و أمـوره و ملقوفـه و زي
بنت الدلــع فـي زولهـا و الليانـي





احبهـا لا والله الحــب لا شــي
يكفي غلاهـا خالـد ٍ فـي كيانـي





الله مثبتهـا بقلبـي مـثـل طــيّ
اللي بحايـل لـه مكانـه و شانـي





هي السبب في جيتي لآخـر الحـي
و هي السبب بزيارتـي للمبانـي





اعشق شوارع حيّها يـا بعـد حـي
و اموت فيهـا والأمل بالأمانـي





اسرق شفايا الضحك و استدرج الفيّ
و اعيش لو جرح الفراق احتوانـي