صاحبي مادمت عايش.. لا تحب=..وين تلقى لك اذا حبيت روح !!

بسم الله الرحمن الرحيم

ذاب غصن الشمع من لمعة لهب=وانطفى نورٍ يسمّونه طموح
مثل خفّاقٍ من الدنيا تعب=عاف حظه ثم حبته الجروح
صاحبي مادمت عايش لا تحب=وين تلقى لك اذا حبيت روح
شفني من جرحي تعوّدت العتب=ماذبحني غير صدقي والوضوح
والزمان اللي لضحكاتي سلب=عادته يبدا بكل قلبٍ سموح
لي ضلوع اوقات تصبح من حطب=والعيون احيان ماتبكي تنوح
ضقت في كل الوسيعه والرحب=ماالتفت الا وقدامي صروح
هذا حالي للفرح ابغى سبب=وين ماوديت همي مايروح
صاحبي آخر كلامي بانسحب=بترك اللي راح وابدا بالنزوح
صاحبي خذها نصيحه لا تحب=وان تمرد بك خفوقك لا تبوووح

تحيـــــــــــاتي للجميع