وشابرك الساعه علي ابن حمري

ويش ابرك من الساعه اللي جابتك عندي هنا *** في ليلة كف الهلال يوادع اواخر جماد
يامرحبا ترحيبة اللي بالمواجيب انثــــــــــنى *** ترحيبة اللي لا لفوه القوم وعلومه اجداد

عليك سجات الشكر والحب وعيون الثنــــاء *** وعليك قلب لازرعته صبر ووصالك حصاد
ينهز لك هز الغصون الينات ام الجــــــــناء *** حتى تطيح من العروق الخضر نجمات السهاد

وصرت اجتمعلك بالظلوع اللي عديتلها ظنا *** لين انتثر لك في سطور العشق والقاك المداد
ياعل عرق ماانثنى لك بالحشاء يلقي القنــــاء *** وياعل قلب ما تنومس بك يطاوله الكساد

اذا اتغلى ناعس الطرفين قلت الله لـــــــــــــنا *** وانت تغلا والغلا ما نقصك بالعكس زاد
الله كم هد الزمن قلبي وكم صبري بـــــــــنا *** وياما خذا منا الزمن احباب واقراب وابعاد

ياسيدي وانا وانا وانا وانا وانـــــــــــــــــــــا *** اقل شخص في زمن من علاقته استفـــــــــاد
العبد لله مكسبه طيب ولكن مااغتـــــــــنى *** طيب وهادي يعشق الابيض ويغتال السواد

شاعر وغصنه للطيور الجارحه يوم انحنى *** صرح بموت الحب واعلن في ضواحيه الحداد
البارحه كانوا هنا والجمر له ضوء وسنــا *** مروا علي دربك وانا هونت عن درب الرقاد

فزعتلك وانا احسبن موتك من اعيونك دنــا *** واثرك توشف اشلون اسوى في لياليك الشداد
الليله اللي جابتك عندي هنا وتبقى هـــــــــنا *** اي والله ان تبطي وانا لك عن ذرا اللاهب براد