((( ضحكه رشيقه )))

08-09-11, 08:57 AM

((ضحكة رشيقة))

في ما مضاء كـل يراعـي رفيقـه=يفديـه بالنفـس ألأبيـة و يـرفـاه
يمّهـد لـدرب المعالـي طريـقهـ=من شان يرفع في حجا الطيب مبناه
يسانـده ضـد الزمـن لا يعيـقـه=و أن مالت ركابه عن الدرب قـداّه
يـوم إنهـا رفقـة بحـق وحقيقـه=مـا هـي بجثمـانٍ يشيّـع لمثـواه
ولاهي على ما قيل ضحكة رشيقهـ=قبله ولا مـن أتّقـى عنـه جـزاّه
يوم الصديق يصون موقف صديقـه=يحفظ له المعروف ويجّـود حمـاه
ياقف معه في الضيق لا شط ريقـه=لو كان ما هو في الحسب من دناياه
واليوم بعض الناس يبغـض شقيقـه=لا شاف زوله تقل شاف أقشر أعداة
يوقد عليـه مـن الملائـل حريقـه=وإن شطّـت ألأيـام لقّـاه علـبـاه
وأسبابها كـون الضمائـر غريقـه=اللي غفـا واللـي نعوشـه مهيّـأة
من بعد راحـت للطمايـع رقيقـه=في سوق ألأهواء لحقت مقيط ورشاه
والـروس حـل بناصيتهـا شقيقـه=شرًا تّوطن يعجـز الطـب بـدواه
كم حل بين الجار والجـار ضيقـه=بأسباب دنيا البيـن دامـت مجافـاة
زرعا على قطـع اللـوازم وريقـه=للشر حرثه وأقشـر الفعـل سقيـاه
عندي على ما قلت صـك ووثيقـه=مصدّقة من درس ألأيام و أمضـاه
واللـي مكذبنـي يناظـر فريقـه=يلقى الخبر من مصـدره ويتقصّـاه
ولاهي على كـل العـوادي محيقـه=يا كثر ذربـان المطاليـق كثـراه
أهل المذاهـب و السلـوم العريقـه=والدين والمعروف والعرف والجـاه
أهل الصروح الشامخـات الوثيقـه=ساس الوفاء والطيب وأصله و منشأه

مبارك نايش علي ألغامدي