النظرة الخجولة

النظرة الخجولة

ما سألتوا صاحب النظرة الخجولة=كيف يسهرني وله وجهٍ صبوح
كيف يظلمني وله طهر الطفولة=كيف يسكنّي وهو دايم يروح
وكيف أنا ألقى ربيعه في فصوله=دام كذبه صادق وصدقه مزوح
له صفاتٍ تورد العاشق ذهوله=مستكين و صامت وكله جموح
أصعب الأشياء و أكثرها سهولة=أغمض الأشياء و أكثرها وضوح
سهل تغرم به وصعب انك تنوله=غامض فـ طبعه و واضح في الجروح
أســـعد بشوفه ولكن ما أطوله=كنّي الوادي وهو أعلى السفوح
يبتسم لا منهم عنّي حكوا له=ولا حكوا لي عنه أعماقي تنوح
لي بـــقلبه شي لكن ما يقوله=وله بــقلبي كلّ لــكنّي أبوح
كنّــه الغيمة و انا أرجي هطوله=مــا نـــزل غيثه ولا برقه يلوح
ما عرفتوا ليه تسهرني فــعوله=وليه يسكنّي وهو دايم يــروح
هو يبيني بسّ أطباعه خـــجوله=وما يبي أغفى وهو وجهه صبوح

تحياتي

اشكرك ابو الرجال على الايراد الجزل لاهنت
وياليت تؤجلون شعر الغزل الى بعد العيد
وهالحين انت مطالب بقصيده في النصح والزهد

المشاركة الأصلية كتبت بواسطة ابوحمد

اشكرك ابو الرجال على الايراد الجزل لاهنت
وياليت تؤجلون شعر الغزل الى بعد العيد
وهالحين انت مطالب بقصيده في النصح والزهد

اخوي ابو حمد
مرورك خير وغيمة بشرتنا بهطوله
هي اشادة او نصيحة ولا بالمحبه تبوح

ابشر بقصيدة انزلها لي بطوله
انت تامر علينا امر تمون ولنا حق السموح


ليتك ابو حمد يوم شفتها غزليه ما قريتها الا بعد العيد

اللهم تقبل صيامي
ورضاكم هو مناي

لي بـــقلبه شي لكن ما يقوله وله بــقلبي كلّ لــكنّي أبوح
كنّــه الغيمة و انا أرجي هطوله مــا نـــزل غيثه ولا برقه يلوح

قصيده رائعه راقت لي
يسلم ذووقك ابو الرجال

المشاركة الأصلية كتبت بواسطة ريم

لي بـــقلبه شي لكن ما يقوله وله بــقلبي كلّ لــكنّي أبوح

كنّــه الغيمة و انا أرجي هطوله مــا نـــزل غيثه ولا برقه يلوح

قصيده رائعه راقت لي
يسلم ذووقك ابو الرجال

اختي ريم حتى الاقتباس من القصيد ه ذووقك فيه
رفيع
مشكورة ع المرور الرائع