12-08-11, 02:57 PM
|
المشاركة رقم: 1 |
| المعلومات | | الكاتب: | | | اللقب: | كاتب مميز
| | الرتبة: | | | البيانات | | التسجيل: | Jun 2011 | | العضوية: | 4329 | | الاقامة: | السعوديه | | الجنس: | ذكر | | المواضيع: | 809 | | الردود: | 3707 | | جميع المشاركات: | 4,516 [+] | | بمعدل : | 0.96 يوميا | | تلقى » 101 اعجاب | | ارسل » 1 اعجاب | | اخر زياره : | [+] | | معدل التقييم: | | | نقاط التقييم: | 216 |
| الإتصالات | | الحالة: | | | وسائل الإتصال: | |
| المنتدى :
مجلس فضاء الشعر  النوايا
النوايا ))
العمـــر رحــله والنــوايامطــايا=والحلم ياخذ من سنينك ويعطيك
واكبر دليل انك سكنت الحنايا=شف اصغر عروق النحايف تناديك
ياصــاحبي مابي تــرد العطايا=وماهو بـ أنا اللي لا عطى شي يذيك
لكن ابيك اليوم تبقى معايا=وتشعل شموع الحب وتضوي لياليك
مريت بيتك .. والنوايا نوايا=وأخذت اقلّب ذكرياتك وماضيك
واسترجع ايام الغرام العذايا=واصوّر دموع الجفا للشبابيك
وابعدك .. وتضيق فيني سمايا=واقربك .. واشهق وأرد احتضر فيك
واقللك .. وتفيض فيك الزوايا=واكثرك .. وتضيع فيني وألا قيك
وأشتتك .. وتحير فيك المرايا=وأجمعك .. بين الحنايا واخبيك
كسرت بخصالك عيون المزايا=لين ازعلت منك وجاتك تراضيك
تركت عقلي يوم جيتك ورايا=اتبع خيالي والتفت لك واناديك
شفني نحيل ولا بقالي بقايا=عايش على حبك وذكرك وطاريك
القلب ينزف من طعون الخطايا=طالبك رد الروح في قلب مغليك
قامت تخاطفني سهوم المنايا=وانا على حد الهلاك التفت فيك
قلي دخيلك بس ويش السوايا=لاصرت احبك موت واشتاق واغليك
كنت اتحرى طعنتي من اعدايا=بس المصيبه .. طعنتي جت بأياديك
يا صاحبي .. ليت النوايا مطايا=والوقت ليته لا خذا منك يعطيك
اعجبتني من عرف قائلها يتفضل به علينا
التعديل الأخير تم بواسطة عبدالعزيز العبلان ; 13-08-11 الساعة 10:17 PM |
| |
العرض العادي
