حقوق حرب محفوضه......نايف بن مياس

ياجاهل التاريخ والهرج مخصوص=عساك تلقا فايده من حصصي
انا ادري انك يا اسود الوجه مقروص=خارت قواك ولا يفيد التعصي
خصيتنا من كل وجهه وعصعوص=مدري جهل وإلا عناد وتوصي
دورت شهره مار زادتك بنقوص=ماشيف عندك للحقايق تقصي
حرفت بالتاريخ والهرج مرخوص=مدري تعم الناس وإلا تخصي
وش لون تجزم واكثر الهرج مخروص=تاريخنا مرفوع عن كل لصي
تاريخنا من ماضي الوقت مبخوص=وإلا انت قبل العام توك تحصي
وانا اعتقد لو عندك الحمض مفحوص=تزيد من قول الحقيقه فرصي
من ديرة اهل الدين مجلا ومقنوص=تهل عبرات الدموع وتبصي
غرتك نفسك واصبح الخشم مفروص=ومن طاح بيدين النشاما يشصي
مادام عندك شاهد الزور مرصوص=يبين من بين الحواجب مرصي
وحنا نعرف ادواك واضح ومشخوص=مار اركدي يا اهل السواليف واصي
ترى الرغيب اللي من الزاد ممغوص=متوقعينه بأي لحضه يغصي
كانك تبين دونك استار وتحوص=لو طال فيك الوقت مالك مفصي
وان كان به تطبيل راقص ومرقوص=تسطي على الاشناب شذرة مقصي
اقول وانطح هايج الموج واغوص=فيه املك المرجان والفص فصي
اما تشوص ايديك من فعلتك شوص=وإلا تعال وترتكز بك اخوصي
وان طال وقتك تالي الوقت مقعوص=انبيك عن قادم فعولي بنصي
نايف بن شليويح بن مياس الفريدي

صح لسان بن شليويح
مشكور اخي نايف على الاضافه الرائعه
لك ودي قبل ردي

صح لساااانك وقبيلة حرب ماتخطي بس اللي يخطي عليها يتحمّل ماايجيه

تحياااتي وتقديري ,,,,,,,

النمر الارقط
هابس العلوي
صح الله ابدانكم شكرا لمروركم