تجاريب شـــــــايب

تجاريب شــــــــــــــــــــــــ ـــايب

جربت في الدنيا تجاريب شـــــــايب=وعرفت عدواني وميزت الأصحــــاب
وعرفت طبع الناس مخطي وصـــــايب=ومانيب خبلٍ تخدعه ضحكة النـــــاب
جنبت انا العالم وبعض القـــــرايب=البعض منهم قربهـــــــم عقرب وداب
لو كان تعطيهم عيونك وهــــــايب=ما ينفعونك جيدهم عند الأجنـــــاب
ناس ٍيعادونك بليـــــــــــا سبايب=حط الحواجز دونهم وأغلق البـــاب
الا لمن جالك مع الوقت تــــــايب=فاصفح وربك للمخاليق تــــــواب
واللي تكبر عنك شد الركــــــايب=جنب طريقه واحقره كنه ذبـــــاب
ومن لا يسد اللازمه في النـــــوايب=وقت الرخا تقول ابو زيد وذيــــــاب
بعض البشر قلبه من الحقد عـــــايب =لا فيه طب وقلبه اسود من غـــــراب
عنده نجاحك من كبار المصــــــــــايب=واذا سمع مدحك من الغيظ ينصــــــاب
لو لا الحيا سالت دموعه سكــــــايب=مسكين من نار الحسد ماكل تـــــراب
اللي يذمك كلما صرت غـــــــــــايب=وان جيت قدم لك تراحيب واعجـــــاب
كبه ترى مثله من الناس خـــــــــايب=عادات ابو وجهين يكذب ويغتـــــــاب
لو تغرقه بالطيب ماهوب طــــــــايب=ولا تنخدع في مثل شرواه لو طـــــــاب
طيبه وخيره للمرة والنســــــــــايب=ولا تنشده عن والدينـــــــه والاقراب
لاهوب رجال يفك النشــــــــــايب=ولا هوب بنت تنقش الكف بخضــاب
وين الله يجيب المـــــطر والسحايب=والناس صارت بين حاسد وكـــــــذاب
كثيرهم تفرغـــــــوا للطــــــــــــلايب=ومابينهم قامت عداوات واحــــــــزاب
وتبقى الحقيقه يازمان العجــــــــــايب=الروس روس ولو يغارون الاذنــــــــاب

وســـــــــــــــــــــــ ـــــــــــــــــــــــــ ــلا متكم

لاهوب رجال يفك النشــــــــــايب

ولا هوب بنت تنقش الكف بخضــاب

ابو الرجال

ابو الانتقائات الجميله دائماً

صح لسان شاعرها وسلم ناقلها

تسلم اخوي على النقل الموفق
وصح لسان الشاعر ولي عتب عليك لماذا لم تذكر اسم الشاعر
حفظاً لحقوقه الادبيه
تحيتي

ناس ٍيعادونك بليـــــــــــا سبايب

حط الحواجز دونهم وأغلق البـــاب

ابوالرجال لاهنت تقبل مروري

اخوي
ابو حمد
والاخ غازي
والا خ الجديد
مروركم شرف ووسام على صدري
يعطيكم العافية
اخوي غازي العتب على عدم المعرفه للقائل
مشكور لجهودك وحق الأديب محفوظ بس اعرفه اذكره طال عمرك
اكرر شكري لكم