الى اخي الشاعر /سعد بن هذيل

ابو فهد اخي وصديقي الشاعر الكبير / سعد بن هذيل الفريدي له تقدير خاص عندي ومن
باب المداعبه اهديه هذه الابيات :

يابو فهد ترقب على كل مشراف=احيان نسمع صوت واحيان تومي
انا ادري انك للمشاكيل ميلاف=ومن عادة الرجّال نفسه تشومي
والجود من معروض صالات الارياف=ولا يلحق اللي يبذل الجهد لومي
والسوق فيه الوان واشكال واصناف=واغلى البضايـع مالقت من يسومي
عروض التجاره ماتشابه للاوقاف=هذي تدوم وذيك ماهي تدومي
غيري مكانه ياسعد فوق الاكتاف=وانا كفوفي شلهبتها السمومي
انا مجرد عاتبٍ يطلب انصاف=وانت الفهيم وعارفٍ بالسلومي
ولا صارت يدين الفتى دايم انظاف= لامدهن ما يرجعن للكمومي
ومن حقه التقدير من عهد الاسلاف=ماينقصه فقدان حب الخشومي

الله ...الله...
ابداع شعري وعباراة ممزوجة بالوفاء من شاعرنا ابو عبد العزيز الى الشاعر ابو فهد
ادام الله بينكم المحبة
ابو عبد العزيز صح السانك وعلى شانك على الابيات الشعرية بنتظار رد الشاعر سعد هذيل
عساكم في الوجود جميعاً

صح لسانك
يا ابا عبدالعزيز
وافيه من راسٍ وافي لاهنت
وبأنتظار رد ابو فهد لاهان

صح لسانك ابو عبدالعزيز

ونحن بانتظار رد ابو فهد

دمتم لنا بالوجود وتاج للمجالس

مشكور ابو عبدالعزيز على هذه القصيده

اخوى الكبير بقدره
خلف بن عتاق الفريد
عندما ارى عنوان لمشاركه من مشاركاتك
اجزم بالجزاله وقوة المعنى قبل القراءه وهذه اكبر دليل
اعجبني ذلك العتب وإسلوبك الادبي المؤدب الرائع
تحيتي

صح لسانك عندليب المجالس

وغني عن المدح

وابوفهد أشوفه لايف وننتظر الرد

وبيض الله وجهك اللي تشرفنا

برد منه لحرصنا على جديده

وتقبل وافر تقديري

ننتظر رد ابو فهد

وشكرا لك ابا عبد العزيز وصح اللسانك

صح لسانك عندليب المجالس
ننتظر ابو فهد

احبابي الكرام
مشاعركم احسست بها وثقتكم اعتز بها لاعدمتكم ...
ومثلكم اقول ، ننتظر ابو فهد