قصيده جميله للحداري

قصيده جميله للشاعر الحداري الحربي

ومن اشهر قصائده اللي يقول به:: من قال بالناس قالوبه,,ومن عال ياتيه عيالي

لا والله الا راح دور الــــبـــــداوه=ودور الركاب اللي عليها الشنوفي
ومجالـسـن فيـهـا لهلـهـا طـــراوه=عنها الشوايب والهزيـل محذوفـي
وراح الزمـان اللـي لعيشـه حـلاوه=واللي على الغارب رجـع للردوفـي
قالـوا تسيّـر قلـت مـامـن فـضـاوه=قالـوا علامـك قلـت عيّـت ظروفـي
اللي مضى بالنفس عنف وقسـاوه=واليـوم تخلـي كـل عوجـاً تطـوفـي
وتضحك مع اللي لك يكـن العـداوه=وان صفقوا صفقـت لـه بالكفوفـي
تـخـاف مــن دقــة خـطـاة اللـعـاوه=رادي نصيـب وناقـراً لـه علـوفـي
يزعل عليـك اللـي يسـوق الأتـاوه=وذلّوا معطـرت النمـش والسيوفـي
عين الغضب تفتح عليك السمـاوه=وعين الرضا لوبك خطا ما تشوفي
والمرتفـع قالـوا مـثـل ذاك ســاوه=وشربت غثاريب الغريف العيوفـي
هـداج مـات وجـات غيـره جـبـاوه=والـروس قامـت تـدّرق بالكتـوفـي
يزعـل ويرضـا ماحصلـه رضــاوه=ومثله يصير بحيـث تامـن تخوفـي

عين الغضب تفتح عليك السمـاوه
وعين الرضا لوبك خطا ما تشوفي

جميل جدا هذا البيت ذكرني بمقولة المحبوب براحة
قصيدة جزلة تسلم يمناك ذع ذاع الشمال

مشكوره اختي

يعطيك العافيه على الانتقاء الجزل

تحيتي لك

هلا وغلا اخوي عبد العزيز

صح لسان محمد الحداري وبيض الله وجهك ياذعذاع الشمال على حسن الاختيار والله لايهينك

صح لسان الشاعر ولاهنت أخوى
على الاضافه الرائعه
تحيتي

حياكم الله وشاكر لكم