قصيدة اول فوز لبو فواز

قبل تقريباً ست سنوات بعد مافاز الشيخ عليان الطهيمي الذي رفع راس حرب في ام رقيبه
وكنت وقتها بالدوام وكان عندنا ضغط عمل والاجازات موقفه
وبعد مارجع من المزاين الى عرق المظهور واكان جارٍ ل ابوي في ذالك الوقت
علماً بان من المفروض ان يكون الاول في السنة التي قبلها عندما اخذ المركز الثامن ظلماً
المهم
انفكت الجازات وجيت لهم وكان معي جمس بليزر آن ذاك

يالبليزر مانت وارد بهبهاني=لو لقينا من وصوفه فيك عينه
جمس مثله تطوي الخط بثواني=لاكن انك تختلف قير ومكينه
لانت حوض ولاتسمى سبرماني=اقطمٍ فيك الدبل متكاثرينه
يوم احدك مع خطات الدرب ماني=حاسبٍ للبر والا للمدينه
شد حيلك في زماني ماكفاني=وازبن اللي كلبونا خابرينه
يم ابو فواز راع الويضحاني=وابك اباسلم على خشمه وعينه
ويوم فاز وحدني دونه زماني=ماحضرت وكل ربعي حاضرينه
ادري انه في قصيدي ماحتراني=بس شئاً ودنا انَا قايلينه
ياهل الذيدان ياقاصي وداني=فيه سيفٍ للمواقف ذاخرينه
اركدوا ياهل المغاتير لسماني=ماقفه بالطيب مانتم واصلينه
جامعٍ له غيرها عدة معاني=ولايخالف فعله بدنياه دينه
وبانيٍ له للكرم عدة مباني=من لفاه يقول يالله لاتهينه
ويم اعدوا للزمان وللمكاني=وقفوا ووجيههم زينه وشينه
طبن الميدان وضحٍ طيخماني=كنهن خلقاً لوجه الارض زينه
حول راعيهن تغشلاهن جناني=خلن الجمهور مايدرون وينه
يسألن اللي ركب فوق لحصاني=ليت ابو فواز ماهم مزعلينه
وجابن الاول وفازن عام ثاني=والاودم كل شئً خابرينه
خلن الحاسد يعاني مايعاني=فرحوا الصحابه وزعلوا مبغضينه

صح السانك نواف هلال على القصيدة..
..ويستاهل الشيخ ابو فواز
تقبل مروري لك...... وتحياااتي

الشاعر :نواف
قصيدة جزلة من شاعر جزل وموجهة لرجل يستاهل الطيب
صح لسانك ودام تواجدك مبدعاً وشامخاً في مجالس الشموخ
تقبل وافر التقدير

يستاهل ابو فواز بيض الله وجهه ...
وصح لسانك يانواف

صح لسانك

قصيده تستاهل الأشاده

ويستاهل ابوفواز

سجل مروري وتقديري

صح لسانك اخوي نواف

ويستاهل ابو فواز هذا المدح

لك تحياتي

صح لسانك يا نواف ويستاهل ابو فواز مواقفه لا تعد لك الشكر

صح لسانك يابو وافي دايم وافي وقصيدك وافي مانقول الا الله يعطيك العافيه

نواف هلال

شاعر متمكن بأبداع القصيد

ويــوم فــاز وحـدنـي دونـــه زمـانــي= ماحضـرت وكــل ربـعـي حاضريـنـه

قمة الأفتخار والوفاء لربعك
شكرأ على هذه الشعور الصادقه

بيض الله وجهك على القصيده ابدعت اخوي نواف