مساجله بين الوالد سعد بن هذيل والشاعر / غربي الوهبي
هذه القصيده لشاعر غربي الوهبي موجــه إلـى الشاعر / سعــد بــن هذيـل الفريدي
عساك موجود يابن هذيل =وليا بغيناك موجودي
يا اللي تباشر بن وهيل =غير الشحم وأزرق العودي
لطيبه يا سعد بك ميل =مع فعلها تطلب الزودي
انته ومثلك نوادر جيل =وتعيش يا ماكر الجودي
من لابه يسرجون الخيل =لصار طارد ومطرودي
لياجا نهار سواد الليل =تفرحبهم شمخ القودي
رد الوالد سعدبن هذيل على القصيده السابقة :
حي الله اللي بدأ بالقيل =هلا مع العود كنبودي
أعداد من رتل التنزيل =وما مرت البيض والسودي
هلا تراحيبنا بالسيل =ليا أختلط برق ورعودي
يابو محياء بديت القيل =ومدحتني وانت بك زودي
مدهال ربعك ذهاب الحيل =لك بالكرم سجل وشهودي
وقت اللوازم حلي شعيل =شيال الأثقال بزنودي
باللازمه ترتكي لشيل =ما يلحقك كل منقودي
من روس ربعك هل التنكيل =ليا أعترض كل مقرودي
سربت وهوبٍ تبذ الحيل =بالحرب والسيف مجرودي
ستر العذارى تزيد الكيل =دون المجاهيم ما تحودي
يتلون شيخٍ زهى التنفيل =الصيرمي ذاك بالودي
شيخه ومنسب على ما قيل =متسلسل أصل وجدودي
أخوان دلها على أم كحيل =ليا أعتلا فوقها يكودي
ليا اختلط رأسها والذيل =بالناصيه نصر معقودي
في نجد ذكره طلع لسهيل =اقفى على نقوة الذودي
بني السفر ما بنا تفصيل =لي الفخر وانتم عضودي
مثل البحر لختلط بالنيل =ليا صار ظاهد ومظهودي
وقت مضى والعرب جهيل =واليوم في حكم آل سعودي
والشكر للي له التهليل =الواحد اللي له الجودي
مساجله بين الوالد سعد بن هذيل والشاعر / غربي الوهبي 
العرض الشجري
