وراك ساكـت والسـمـا بــروق ورعــود = والـلـيـل مـوحــش والهـبـايـب شـديــده

قصيده منقوله لشاعر غير معروف اعلاميا يحمل لقب سداح..
قصيده اشوفها من ناحيتي قصيدة شاعر خبير بأمور الشعر وحبكه..واخليكم تستمتعون بكل بيت من القصيده.....

لـيّــن جـنــاب الـــود يـــا لـيّــن الـعــود = وألـطــف وأسـالـيـب المـحـبّـه عـديــده
خــل الـقـسـا لاهـــبّ تسـتـاقـه الـنــود =وأحــذر بـعـد مـــا سـاقـتـه تستـعـيـده
بإسـم الوفـا والحـب والطـيـب والـجـود =الــصــح عــيــده والـخـطــا لا تـعــيــده
علـيـك حــلّ الـحـبـل والـحـبـل مـعـقـود = تـعــقّــدت روس الـحــبــال الـجــويــده
وراك ساكـت والسـمـا بــروق ورعــود = والـلـيـل مـوحــش والهـبـايـب شـديــده
مدري حداك الصمت وأصبحـت محـدود = وألاّ أنّ صـوتــك فـيــه نـبــره جـديــده
تنـقـل كــلام شـفـاك بعـيـونـك الـســود = وفـي كـل نظـره منـك .. جمـلـه مفـيـده
كـم قلـت لـك مـأمـون والـسـدّ مـسـدود = والـشــك زايــــل والـهـقــاوي بـعـيــده
خوفي من اهل الرقص والنقص والزود = وبثّـي يـا إذاعـه وأنشـري يـا جـريـده ‍
قلـبـي لـهـد كـبــدي وعـبــرّت مـلـهـود = وأنـتـه حـجـر قلـبـك وكـبـدك حـديـده !
خليّتـنـي ف الشـعـر حــاوي ومـــردود=وعلّقتـنـي فــي بــاب بـيــت القـصـيـده
وأزريـت أغنّـي فيـك يـا باشـة الـخـود = مـمـا بـدالـي .. مــا بـقـا لــي شـريــده
جـوارحــي لـرضــاك مقـتـادهـا قـــود =تـقــول حاكـمـنـي بــشــرع وعـقـيــده
لاشــك حـكـم العـشـق ماعـنـه منـشـود= وحكـومـة الـعـشّـاق مـاهــي رشـيــده
أنـت اعتبـر مـا صـار ماهـوب مقصـود = وأنـا أعتبـر مـا صـار فـرصـه سعـيـده