جعل ماصابك طهوراً ويكفيك الهموم

هذه القصيدة لشاعر سلطان عبدالله الوسيدي " مناسبة شفاء ملك الأنسانية الملك عبدالله بن عبدالعزيز
( كما أني آمل من شاعرنا ابو مشاري أن يكون احد الضيوف المرحب بهم .وأحد أعضاء منتدانا الشامخ بعلوه . ونزاهته بالحيادية .

والنقد البناء الذي على هامته تتعلى كل همة شاعر

أحمد الله وأشكره كل ليل وكل يوم =عد ماتنبت رياضين نجد زهورها
في رجوع الي رجوعه سعادة للعموم=خادم البيتين والدارشعشع نورها
ياجعل نصره وعزه على شعبه يدوم=من شعورٍصادقه مابها ميذورها
في جناب الي قدومه مهو بية قدوم=في نهار الأربعاء الناس كيف شعورها
ياملكنا مرحبابك عدد وبل الغيوم =وعد نفس ٍفي قدومك تبث أسرورها
جيتك غيثٍ على الكل يالحر الجزوم=يارفيع الشان والدار باني سورها
والذي نركع من أجله ومن شانه نصوم=أن لك منزال ثابت بعالي قورها
أنت حاكم خير والشعب بالخير محكوم=ولك عطاياً مانحسب كثر مقدورها
حاتمي الكف منته من الجزل معدوم=لك يميناً في المعالي طوال شبورها
والله أنه يرحم الي على خلقه رحوم=وأعتق الله كل يمناً هذا ميسورها
جعل ماصابك طهوراً ويكفيك الهموم=من كريمٍ يغفراخطاء النفوس وزورها
كلنا لك جند رهن الأشاره ومخدوم=ياسليل اللي على المجد شيد كورها
وكلنا شعب وحكومه على الباغي نقوم=ماحسبنا حساب عمي الضعوف وعورها
صفنا واحد ولا فيه قسم من القسوم=وللأ عادي في بلدنا نقف بنحورها
العدو مهزوم واللي مشجعه مهزوم=وطعمة الشيطان نقطع جميع جذورها
تكفر النعمة خدوشٍ دخل فيها السموم=لين سم قلوبهاواطلقت حنجورها
ماتبي الراحةوالامان وتشن الهجوم=وفاضح الله بين كل العباد ومورها
تحسبن الحرب لعبه وهرج وكثر نوم=وذا دليل أن شورها جاك من ماشورها
البلد دونه صقوراً على العليا تحوم=حربتن تفرا النحر واسعد بحضورها
ودونها سيف ابو حدين وعيالٍ قروم=لو أمرونا ولاتـنا عزنا في شورها
لو أعدانا بالبحر ننزل البحر ونعوم=ماتخوفنا الافاعي وحنا صقورها
يابو متعب لك رجالٍ دمي بالخشوم=لحتمى الميقاف ينبيك ماضي عصورها
الخصوم الي تبي الشر تدحرها الخصوم=لين تدري ويش دور الرجال ودورها
والله أن بلادنا أبعد عليها من النجوم=وأحمد الله يوم منا بدا عاثورها
أنقطع دابر هل الشك والصحاب الحلوم=كادها من كاد عنا جميع شرورها
يالله أنك تمن الدار من باغٍ غشوم=وتحمي اللي هم ذرأ الدار ويضا ستورها
الشاعر _ سلطان عبد الله الوسيدي