يـا سـرع دورات الزمـان و كثـر صدمـات الحـيـاه

يـا سـرع دورات الزمـان و كثـر صدمـات الحـيـاه

البارحـه و الجفـن يسقـي ظـامـي الخـديـن مــاه=( فرِّيس ) همي اعتزوا .. و اول ضحايـاي .. الصبـر
يـا سـرع دورات الزمـان و كثـر صدمـات الحـيـاه=اخذت من ( طيبي ) حذر واخذت من جرحي ( عِـبَر )
واخـذت مـن بعـض الوجيـه .. الـي تشـد الإنتبـاه=إن ( الكُبُر ) ما هو عمـر .! الـي كُبـر عقلـه .. كُبـر
و اخذت مـن دنيـاي درس .. و كـل مـا كنـت اخفـاه=لولا الامل .. ما شفت مخلوق(ن) علـى الدنيـا .. عَبَـر
اضحك واجامل وابتسم .. والحـزن فـي عينـي مـداه=ضايق و قلبـي خايـف(ن) لا يشتكـي .. ضيـق القبـر
القلب .. من يـوم فقـد مـن دنيتـه .. شـي(ن) بغـاه=مكسـور و الخاطـر معـه .. ما فيهـم الـي قـد جبـر
الي عطيته صادق الإحساس .. مـدري ويـش جـاه =قــفـَّـا و خلانـي وحيـد .. ولا وصــل مـنَـه خـبـر
بـ اعيش و ابقا ,, اعتبر و اصبـر .. علـى جـور الحيـاه=بلاك منهو مـا خـذا مـن ذا الحيـاة أيـَّـة عِـبـَر

احمد بن جوفان العجمي

تسلم يمينك ياميس
إنتقاء جزل يدل على جزالة الذائقه
تحيتي لك

اضحك ضحى قبل أمس وابكي ضحى اليوم
ياسرع دورات الليالي والايام


تذكرت هذا البيت وانا أقرى مانشرتي
بارك الله فيك ودام متصفحك ولاهنتي
تحيتي

اقتباس:
المشاركة الأصلية كتبت بواسطة عبدالعزيز العبلان
تسلم يمينك ياميس
إنتقاء جزل يدل على جزالة الذائقه
تحيتي لك



أخي عبد العزيز العبلان
والله ان لمرورك طابعه المميز الذي يرقى بالقصيدة تألقا
بحسن اسلوبك اخي وبتنسيقك الراقي
اشكرك شكرا جزيلا وتقديرا كثيرا
دمت شعارا لهذا المجلس

اقتباس:
المشاركة الأصلية كتبت بواسطة غازى بن عجاب أبوزوايد
اضحك ضحى قبل أمس وابكي ضحى اليوم
ياسرع دورات الليالي والايام


تذكرت هذا البيت وانا أقرى مانشرتي
بارك الله فيك ودام متصفحك ولاهنتي
تحيتي



بارك الله فيك ألف
ومقدر هذا المرور ألفين
وإلا الشكر لك اخوي مآله حدود
دمت ودام تواجدك فخرو اعتزازا في مصفحي
اخي غازي بن عجاب