وقلت المثل ياخال أحبك ومعناه..من ريحة أمي فيك ريحة مثيله

وقلت المثل ياخال أحبك ومعناه..من ريحة أمي فيك ريحة مثيله

راح الغرام وكل شيً طويناه=كلً تقفى وابتعدفي سبيله
لحظة عناد اللي بنينا هدمناه=في سيل هجرً مارحمنا في سيله
كلً تناسى والغلا مانسيناه=بقلوبنا ثابت ولحدً يزيله
من يوم فارقته على البال ذكراه=من وين ما راحت عيوني تخيله
لوابتعد ما فكر القلب يجفاه=ولا كنت افكر يهتويني بديله
آيست من شوفه وحبه وطرياه=وآيست من عقب البطى شوفتي له
لاشك بالصدفة تلاقيت وياه=من بعد غيبات السنين الطويله
شفته وكلً هل دمعهمن اقصاه=حتى الجسد عيى القدم لا يشيله
اقبل ويمسح دمع عينه بيمناه=فيشوفةً فيها الاماني قتيله
وكلً ذكر ذاك العناد وخفاياه=وآخر عهودالذكريات الجميله
المشكله ماهي بشوفه ولقياه=المشكله شيً يزيدالمليله
معها صغيرً توها تدرج اخطاه=يمشي يباريها وهي تحتميله
ماخذ ملامحها حلا في حلاياه=سميت بالرحمن من نظرتي له
جيته وضميته ودمعي تغشاه=ماغير اضمه في يديني واشيله
قالت خلاص ارجوك يكفي معاناه=قطعت قلبي وش بقى نرتجي له
غلطة عمر مني ومنك تركناه=ذاك الغرام اللي بقلبي عليله
من يوم فارقتك وقلبي ببلواه=طيفك معه في كل يوم وليله
والحين بعد اللي حصل ويش نرجاه=شي انتهى مافيه باليدحيله
كلً عسى الله يسعده في نواياه=هذا قدرنا والقدر ننحنيله
وردت تقول أسئلك بالله بالله=حبك لطفلي وش معنى دليله
من يوم ماشفته اشوفك تنشاه=كنه غلا روحك وقلبك عديله
كنك تبي قربه وكنك تمناه=مستغربه من فوق صدرك تشيله
وش هالغلا حبك ودمعك على شفاه=ضميته بصدرك وكنك دخيله
قلت الغلا هذي بتالي بقاياه=طفلك أشمه لجل قربك أخيله
وقلت المثل ياخال أحبك ومعناه=من ريحة أمي فيك ريحة مثيله

أرجو أن تروق لذائقتكم الشعرية ..

ودمتم بودي واحترامي ،،

لا فض فوكـ

مبدعه دائمآ اختي ميس

ابيات فيها شي من الحزن
الله يبعده عنا وعنك

دامت افراحك

والله يعطيك العافيه
على الانتقاء ياميس

قصيدة حزينه ..حزينه.. جداُ
ولاكنها تلامس حساس الجميع بلاشك وربما انني واحد منهم !
ذائقه شعريه وحساس جميل
تقبلي مروري لك

لا فض فوكـ

مبدعه دائمآ اختي ميس

اقتباس:
المشاركة الأصلية كتبت بواسطة && شوكلاته &&
لا فض فوكـ

مبدعه دائمآ اختي ميس





هلا فيك شوكلاته
كل مرورك نور واحلى من الشوكلات اللذيذ
تقديري وشكري لك

اقتباس:
المشاركة الأصلية كتبت بواسطة عبدالعزيز العبلان
ابيات فيها شي من الحزن
الله يبعده عنا وعنك

دامت افراحك

والله يعطيك العافيه
على الانتقاء ياميس



و أفراحك تدووم وبأيامك مسرور يارب
مرورك عطر الأبيات لك شكري وجزيل تقديري

اقتباس:
المشاركة الأصلية كتبت بواسطة ابـن مـطــيع
قصيدة حزينه ..حزينه.. جداُ
ولاكنها تلامس حساس الجميع بلاشك وربما انني واحد منهم !
ذائقه شعريه وحساس جميل
تقبلي مروري لك



اخي ابن مطيع
الشعر له من ابواب المشاعر نصيب مفتوح
فهو يقال بالأفراح وبالحزن والأشواق والشجون وغيرها من تقلب المشاعر والأحاسيس
وقيلت هذه القصيدة في موقف حزن المشاعر وحزن الغرام
فأصبحت موجعة لمن يقرأها
مرورك أسال قلمي ونزفت مشاعره حول القصيد
كلك ابن مطيع خير وبركة
تقديري الكبير وشكري الجزيل لك

اقتباس:
المشاركة الأصلية كتبت بواسطة النمر الارقط

لا فض فوكـ

مبدعه دائمآ اختي ميس

مرورك عطر المصفح ونور ابيات القصيد
شكرا لك النمر الأرقط

القديره
ميس الريم
حنانيك ميس الريم - جبتها على الجرح كنك مادريت-
صح لسان الشاعر لقد دغدغ مشاعر من قرأ تلك الفارهه
لله درك ما أروعك بنقلك ونشرك
دمتي مبدعه
تحيتي