عبا يتها وشمــاغي

عبايتها وشمـــــــــــــا غي

عهدي بهـا قـدام تلبـس عبايـه=وانا بعد قبل ألبس شمـاغ وعقـال
طفلين نتهجّـى حـروف الهجايـه=الله يامـجمـل سواليـف الاطـفـال
كانت لنا فـي كـل شـارع حكايـه=وكنا نقـول علـوم ماهيـب تنقـال
وكنـت اتقاسـم ما معاهـا معـايـه=من اسكريم التوت للعلك بوريـال
وكانت بعكسي شاطره فـي القرايـه=تقرأ جـزء عـمّ وطـه والانفـال
وأنا لك الله مـن مـواري غبايـه=مدري ابو النقطه هو الـدال او ذال
وكانت لاابوي تشتكي مـن شقايـه=وتعلّمه كيف اربـط البـاب بحبـال
ياما على ظهري كسر من عصايـه=يقول لي خلّك وأنا ابـوك رجّـال
وامي تقول : ادع لولـدك الهدايـه=خوفي يصيبه كثرة الضرب بهبـال
لاشفتهـا مـع اول الـدرب جايـه=مدري أنا اللي ملت ولاّ الوطا مـال
احسّ قلبي يرتجـف فـي حشايـه=ماكنّـه الاّ الضيـف لاهـزّ فنجـال
ياما عن "ام السعف" تخبّت ورايـه=لاخوفوها فيـه ثـم شافـت ظـلال
تقول خلّـك يـآ عبودي معايـه=واسّتأنس العب عندها دور الابطـال
وآغار حتّى من عيـون اصدقايـه=لا طالعوها قلت تكفون ياعيال

مـمـآ إستكن مـ ع ـهـآ الـ خ ـآطـرـر