كـذبـة إبـريـل !! للشاعر الكبير هجاج الوسوس

لا استطيع ان اقول لكم سوى اقرؤ انتم واكتبوا ماتريدون من تعليق

بدون مقدمة هكذا يكون الابداع يقول شاعرنا الكبير / هجاج الوسوس

يقول مالت قلت له خلها تميـل=حتى الكواكب في سماها تمايـل
لوكل ميلات الزمن مثل هالميـل=كل ٍ تمنى حظـه يكـون مايـل
تتعملق الاقزام يستبّسـل حليـل=تسترّجل الموت الحمر والنكايـل
اليا استجّن الليل رعب ومغاليـل=تخّلج..على صوت الهدير الحلايل
الغيد ..عصمتها بيمنا المشاكيل=لولا كذا..شفت انتشار الرذايـل

لاشك ياروح السهر..والتعاليـل=بأقول..قـول ٍ يفهمونـه قلايـل

يابوحمد..طالت وانا احـط واشيـل=والحظ مع و قـت الغرابيـل مايـل
في فوووهة البركان و بلابة الويـل=واقف بقايـا انسـان غبّة..غلايـل
احيان احس ان الفرج كذبة "ابريل"=و احيان احس ان الحرج وضع زايل
للدار لي ديره ولا الجيل لـي جيـل=غديت حالي حـال "بـرزان" حايـل
نزرع ولكـن ماتسـر المحاصيـل=ونجـود لكـن يجحـدون الجمايـل
نشوم شيمه والهزل غـدر ٍ يعيـل=واعزاز لو عـزّ الزمـان الهزايـل

راحت سنين العمر "كون" و "مصاقيل"=سبعة عشر عادي.. وعشره هوايـل
يعزف على جروح العنا إلحآد"مرسيل"=ويجـرّ فنـان العـرب "للرسـايـل"
القلب عينه نظرتـه فـوق بالحيـل=لا طـاع ينزلهـا ولا هـو بنايـل!
تحن خلجان النظـا تصهـل الخيـل=يحما وطيـس المعركـه والصقايـل
كل ما سرى السمّار واستفرّد الليـل=بالـروح والأهـرام قامـت تهايـل
يسري بي الهاجوس سجـه وتأميـل=ويفـل لجـروح الخفـوق الجدايـل
استرجع الماضي واعيـد التفاصيـل=وتضيق في الأرض حيـل ومحايـل

احـن للماضـي واخـاف المقابيـل=زمـااااان يومـن الأوايـل ..أوايـل
أيـام كـان الفجـر فجـر وتهاليـل=وتروح عينـي فـي سمايـه تخايـل
طيوف فيها نظرتي غصـب ٍ اطيـل=واشياء يصعـب شرحهـا بالمثايـل
ورغم الضروف ورغم صعب المناويل=والسّهٌد..وجـروح الوفا..والملايـل
والحيل..والتحميل..واحلامي الحيـل=والقيظ..وإجهـاد الجوى..والقوايـل
مساومه..بيع..ومصالـح وتضلـيـل=ريا..تصنّع..غطـرسـات وتحـايـل
والواحـد الجبار..مـوف المكايـيـل=لأمـوت ماحطيتهـن لـي وسـايـل
راسن لقوم.. ورأس مالـي رياجيـل=بسيط..عشقـي للنقا..عشـق هايـل

وحق الثريا..لآترآمت..على سهيل=يفرد لها حدب الظلـوع النحايـل
وأن ذاب قلب الفجر..بمكحّل الليل=ضيّع سماااه الجدي..دون الدلايل !
من أمس وعيون العطاشا لها تخيل=نشـو ٍ تزبّـر وأرتكـم بالمخايـل
الرعد خفقة قلب..والبـرق قنديـل=كلما كثح..فزّت قلوووب الثمايـل

ولا..لاتظن ان الزمن توّه يميل=من عرفتي للعلم..والوقت مايل !

وش الحل عندما يفوق الاعجاب الكلمات

سواء للشاعر او صاحب الموضوع

ارجو لاطلاع على القاموس وقرائة كل كلمات الثني والاعجاب هههههههه


الف شكر وصح السان الشاعر

وصح احساسك واختيارك الرائع


تقبل مرووووري والف شكر

هلا وغلا يابقايا انسان لك حبي وتشكراتي على طلتك البهيه

ضاهرة اقرا وامشي ضاهرة غير صحية معقول يشاهد الموضوع 23 ويرد واحد فقط

ارجو ان نتلافى هذا في جميع المواضيع المطروحة حتى تستمر الكتابات والاختيارات وللجميع ودي

صح السان هجاج الوسوس


وبيض الله وجه كاتبها

المشاركة الأصلية كتبت بواسطة منصور الوسوس

ضاهرة اقرا وامشي ضاهرة غير صحية معقول يشاهد الموضوع 23 ويرد واحد فقط

ارجو ان نتلافى هذا في جميع المواضيع المطروحة حتى تستمر الكتابات والاختيارات وللجميع ودي

صدقت يا منصور

جهودك يابو محمد فوق الراس

حياك ربي يبن جدعاء وصح بدنك يالغالي

بيض الله وجهك على هذا الإختيار وصح لسان الشاعر المبدع


وأنتم وش قصتكم تقرون هذا الإبداع وتمشون والله العظيم إني وأفهمواها ( ترا جت العتامة ) وتقبلوا شكري وتقديري أعضاء وقراء ومشرفين

صــــح لســــــــان الشاعــر هجاج

وماذا نقول للإبداع ؟ ! ! !

ماذا نقول لمنصور الذي يحرص دومآ على نقل المميز والرائع

ماذا اعلق على هذه القصيدة؟

منصور اعذرني لااستطيع التعليق على هذه المميزة والمبدعه ،
هذه القصيدة
التي من جمالها اخشى اني اعلق عليها واشوه صور القصيدة

بسم الله
لاهان راسك ياخال وصح لسان الشاعر
مشكووووووووووووووور