أ مس الضحى

أمس الضحى في عالي الرجم عديت=بالنايـف اللـي جيـت متعنيـلـه
شالتني العزه ولـد ذايـع الصيـت=عـن الطمـان لهامـة مستقـلـه
وآيقت في روس الطـوال وتعليـت=بمشوهقـاتٍ يشبـهـن الاخـلـه
يومي على راس الطويله تساويـت=في عالـيٍ غـر السحايـب تضلـه
للكـوع لفيـت العمامـه وتكيـت=عن الحصـاه شماغـي وقايتنلـه
وقدحت في راس الزقـاره بكبريـت=وحذفت عوده مـع صفـاةٍ مزلـه
كيفت من كيف الشيـوخ العناتيـت=مخطي خطاهم في حرامـه وحلـه
الكل يخطـي والله أخطووأناأخطيـت=محـدٍ يقـول المخطيـه قدوتـلـه
صاحي لحالي في خطايـه واقريـت=ياليت مـن يخطـي يقـر بخطلـه
لولا خطايا الناس للرجم مـا جيـت=يارجـم قـول لميـت القلـب قلـه
قلـه وكملـت الكـلام بتناهـيـت=زفرة حدم هزت حصا الرجـم كلـه
يوم احتشى صدري من الضيق ناديت=شاعـر ونـادى للمثايـل وجـلـه
جني وفـي جـزل المثايـل تنقيـت=ارزملهـن قلـب العنـا ورزملـه
امرد نماريـد الشعـر والعفاريـت=اطوعـه واسـم عليـه الأهـلـه
واودبة يمشي على كيف ما شيـت=ورفع مقـام القـاف عـن مايذلـه
اختار معنـى كلمتـي وازن البيـت=ثـم اندبـه والعلـم للـي رسلـه
لاشك انـا فـي كلمتـي ماتعديـت=حـدي وقافـي جـرد وانــا هلله
لا قالـوا العريـف عـزالله أقديـت=هـذا شـداد العـود وانـا محلـه
عـود بذكـره يالنشامـا تنشميـت=وبني جزيل القاف كلـه وفـاً لـه
شربت من هـداج ابـوي وترويـت=والـدرب فالحـنـان متـصـملله
وسقت القدم مع سوقة الفجر واقفيت=على نبراح الشوف والـدرب ادلـه
فجر المدارك ساطـع كنـه الليـت=وعين العقل تقـداه مذهـب وملـه
من ماجرالي في حياتـي وعانيـت=وحبل النشـب لابـد ربـك يحلـه
يـا زينهـا لامـن بالعـز هفيـت=فنجـال عـز وتشربـه مستولـه
صانيت عوب الغيض لانني ازريـت=وتقصعـن للقلـب عـوبٍ تتـلـه
تلـة فـرازٍ تلهـا بالرشـا هيـت=وتصافـق الجيـلان مـن تلتـلـه
يمعكبهـا روس الحيـود النواحيـت=وتبزلـت والمـاي قامـت تشلـه
واصبحت حالي حالها يـوم غنيـت=قال المغنـي شـي ممـا حصلـه
تفجـرت جوفـي قنابـل دنامـيـت=فجرت خفايـا مـن فقـد عزوتلـه
تلعبي الدنيـا وتسنـد لبـا الفيـت=وادور ابـا الفـيـت مترصـدلـه
اثره مصـدر للخبـاث الطواغيـت=اللي لهـم شـذب المقفـي جبلـه
سـده جويـد ومـدرقٍ للخراتيـت=محبـالـة الأنــذال والله حبـلـه
واليوم ياربي لـك الحمـد عفيـت=نفسـي وهـراج القفـا فاطنـلـه
ومن فكه الله من جناب الشواميـت=من حيث ماهـب الهـوى جايزلـه
يالله يالـي فـوق عرشـك تعليـت=يامن سجدله كـل شـي خشيتلـه
انك تعين الحـي وتسامـح الميـت=وتضلنا يوم الحشـر تحـت ضلـه
عبدك وثبتني علـى الحـق تثبيـت=بالديـن والدنيـا تثـبـت خطـلـه

الشاعر

معوض بن سودان الشاطري