صمل على رايه واخذ سيف بتار

هناك ابيات اشتهرت عن طريق رسائل الجوال والمنتديات
وهي اول ابيات من هذه القصيده اللتي اضعه بين ايديكم كامله

واخبركم بشاعرها هو الشاعر الرائع حمدي سلامه البلوي

حالي بعدكم حال مـن يطـرد الثـار=لأخـوه واللـي قاتـل أخـوه عمـه
ابـوه قـال النـار ماتطفـي النـار=وأمه تقـول اخـوك لايضيـع دمـه
وزودن على همه من الوضع محتـار=يتبع كـلام ابـوه ولا رضـى أمـه
صمل على رايه واخذ سيـف بتـار=وأخذ بثـار اخـوه وانهـى المهمـه
حليلتـه قدامهـا صــار مـاصـار=تبكي على ابوهـا تصيـح وتضمـه
ماتت من الصدمه وهو طاح منهـار=واظلم عليه الكون مـن كبـر همـه
وصحى على صرخة طفل بااخر الدار=صوت الصغير اللي فقـد مـن تلمـه
كنه يلومه فـي تصاريـف الاقـدار=ويضيق صـدره كـل ماقـال يمـه
كيف ايتعـذر مابقـى عنـده اعـذار=مـن ويـن ماوجـه يطيـح بمطمـه
الطفـل يبقـى للمخالـيـق تـذكـار=من شاف زوله مـش دمعـه بكمـه
حالـه تكـدر كـل طرقـي ومـرار=وش عاد من قصـة ضياعـه تهمـه
عبرت عن حالي بجزلات الاشعـار=وماقـدر المولـى عليـنـا يتـمـه
هذا وانا ما ابديت عن كل الاسـرار=خليـت باقيهـا بـصـدري ألـمـه

منقول